စူပါကွန်ပျူတာကတော့ ဒီနေ့ညကစားမယ့် Boxing Day ပရီးမီးယားလိဂ်ပွဲစဉ်ရလဒ်တွေကို ခန့်မှန်းလိုက်ပြီး အံ့အားသင့်စရာရလဒ်တွေပါဝင်နေတာဖြစ်ပါတယ်။
ဒီနေ့ညမှာ Boxing Day ပွဲစဉ် ၅ ပွဲအဖြစ် နယူးကာဆယ်နဲ့ နော်တင်ဟမ်ဖောရက်စ်၊ ဘုန်းမောက်နဲ့ ဖူလ်ဟမ်၊ ရှက်ဖီးယူနိုက်တက်နဲ့ လူတန်၊ ဘန်လေနဲ့ လီဗာပူးလ်၊ ယူနိုက်တက်နဲ့ အက်စတွန်ဗီလာ ပွဲစဉ်တွေဖြစ်တာပါ။စူပါကွန်ပျူတာဟာ ဒီရာသီအသင်းတွေရဲ့ပုံစံ၊ ပြီးခဲ့တဲ့ ဘောက်ဆင်ဒေးက ရလဒ်တွေကို အချက်အလက်မျိုးစုံသုံးပြီး ခန့်မှန်းခဲ့တာဖြစ်ပါတယ်။
စူပါကွန်ပျူတာက နယူးကာဆယ်အသင်းဟာ အိမ်ကွင်းမှာ နော်တင်ဟမ်ဖောရက်စ်အသင်းကို ၂ ဂိုး-၁ ဂိုးနဲ့ အရေးနိမ့်မယ်လို့ ခန့်မှန်းထားတာပါ။နော်တင်ဟမ်ဖောရက်စ်ဟာ နယူးကာဆယ်ကွင်းမှာ ၁၉၈၈ ကတည်းက အနိုင်မရခဲ့တာဖြစ်ပြီး နယူးကာဆယ်အသင်းကလည်း ဘောက်ဆင်ဒေးပွဲစဉ်တွေမှာ ၂၀၁၃ ကတည်းက ၁ ပွဲသာ အနိုင်ရရှိထားတဲ့ အံ့အားသင့်စရာမှတ်တမ်းရှိနေတာဖြစ်ပါတယ်။
ဖူလ်ဟမ်က အဝေးကွင်းမှာ ဘုန်းမောက်ကို ၃ ဂိုး- ဂိုးမရှိနဲ့ အနိုင်ရမယ်လို့ ခန့်မှန်းထားပြီး လူတန်ကလည်း ရှက်ဖီးကို ၁ ဂိုး- ဂိုးမရှိနဲ့ အနိုင်ရမယ်လို့ ခန့်မှန်းထားတာပါ။လီဗာပူးလ်အသင်းက ဘန်လေအသင်းကို ၄ ဂိုး- ဂိုးမရှိနဲ့ အနိုင်ရမှာဖြစ်ပြီး ဘောက်ဆင်ဒေးမှာ ရလဒ်ကောင်းတွေရတဲ့ ယူနိုက်တက်က အက်စတွန်ဗီလာနဲ့ ၂ ဂိုးစီသရေကျမယ်လို့ ခန့်မှန်းထားတာဖြစ်ပါတယ်။
