ယူနိုက်တက်အသင်းဟာ အရင်ကဖြစ်ခဲ့ဖူးတဲ့ ဖြစ်ရပ်ကြောင့် ဒီရာသီ ပရီးမီးယားလိဂ်ပြိုင်ပွဲကနေ တန်းဆင်းသွားမှာကို အသင်းပရိသတ်တွေက စိုးရိမ်မှုတွေရှိနေကြတာဖြစ်ပါတယ်။
ယူနိုက်တက်အသင်းဟာ စနေနေ့က ပွဲစဉ်မှာ ဝက်စ်ဟမ်းအသင်းကို အရေးနိမ့်ပြီးနောက် ဒီရာသီပြိုင်ပွဲစုံ ၁၃ ပွဲအထိ ရှုံးပွဲကြုံတွေ့ထားခဲ့တာပါ။ဒီရှုံးပွဲတွေကြောင့် ယူနိုက်တက်အသင်းဟာ ၁၉၃၀ နောက်ပိုင်း ခရစ္စမတ်မတိုင်ခင် ရှုံးပွဲအများအပြားကြုံတွေခဲ့ရတဲ့ မှတ်တမ်းဆိုးတွေကို ပိုင်ဆိုင်ခဲ့တာဖြစ်ပါတယ်။
ယူနိုက်တက်အသင်းဟာ အဆိုပါရာသီတုန်းက အခုပရီးမီးယားလိဂ် အရင် အင်္ဂလန်ပထမတန်းကနေ တန်းဆင်းခဲ့ရတာပါ။၁၉၃၀-၃၁ ရာသီမှာ အာဆင်နယ်အသင်းက ရမှတ် ၇ မှတ်အသာနဲ့ အမှတ်ပေးဖလားကို ရယူနိုင်ခဲ့ပြီး အက်စတွန်ဗီလာအသင်းက ဒုတိယနေရာမှာ ရပ်တည်နိုင်ခဲ့တာဖြစ်ပါတယ်။
လက်ရှိအချိန်မှာ အာဆင်နယ်အသင်းက အမှတ်ပေးဇယားကို ဦးဆောင်နေတာကြောင့် ယူနိုက်တက်အသင်း တန်းဆင်းမှာကို ပရိသတ်တွေက စိုးရိမ်နေတာပါ။ပရိသတ်တစ်ဦးက “အဆိုပါနှစ်မှာပဲ ကျနော်တို့တန်းဆင်းခဲ့ပြီး အာဆင်နယ်က လိဂ်ဖလားကို ရယူနိုင်ခဲ့ပါတယ်”လို့ ရေးသားခဲ့ပါတယ်။
နောက်ထပ်ပရိသတ်တွေကလည်း ယူနိုက်တက်အသင်းဟာ တန်းဆင်းဖို့အတွက် ပွဲကို ချဉ်းကပ်နေပြီး ရှက်စရာကောင်းတဲ့အသင်းအဖြစ် ရှိနေတယ်လို့ ဆိုရှယ်မီဒီယာတွေမှာ ရေးသားခဲ့တာဖြစ်ပါတယ်။၁၉၃၀-၃၁ ရာသီက ယူနိုက်တက်အသင်းဟာ အိမ်ကွင်းမှာ ဟတ်ဒါဖီးစ်အသင်းကို ၆ ဂိုး-ဂိုးမရှိနဲ့ အရေးနိမ့်ခဲ့တာပါ။
ရလဒ်တွေဆိုးနေတဲ့ ယူနိုက်တက်အသင်းဟာ လာမယ့် Boxing Day ပွဲစဉ်အဖြစ် အက်စတွန်ဗီလာအသင်းနဲ့ ယှဉ်ပြိုင်ရမှာဖြစ်ပါတယ်။
