ချယ်လ်ဆီးအသင်းဟာ မနေ့က ကစားခဲ့တဲ့ ဝုလ်ဗ်စ်အသင်းနဲ့ပွဲမှာ ၂ ဂိုး- ၁ ဂိုးနဲ့ အရေးနိမ့်ပြီးနောက် ၂၀၂၃ အတွင်းမှာ ပရီးမီးယားလိဂ်ရှုံးပွဲအရေအတွက်က ၁၉ ပွဲအထိ ရှိသွားခဲ့ပြီဖြစ်ပါတယ်။
ချယ်လ်ဆီးအသင်းဟာ အခုနှစ်ထဲမှာ ပြောင်းရွှေ့ကြေးအသုံးစရိတ် ပေါင် ၁ ဘီလီယံအထိ သုံးစွဲထားပေမယ့် ရလဒ်တွေက ပိုပိုပြီးဆိုးရွားလာခဲ့တာပါ။၂၀၂၃ ခုနှစ်ထဲမှာ ဘယ်အသင်းကမှ ချယ်လ်ဆီးအသင်းရဲ့ပရီးမီးယားလိဂ်ရှုံးပွဲအရေအတွက်ထက် ပိုပြီးရှုံးနိမ့်ထားခြင်းမရှိတာဖြစ်ပါတယ်။
ချယ်လ်ဆီးအသင်းရဲ့ဒီရှုံးပွဲ ၁၉ ပွဲမှာ ဂရေဟမ်ပေါ်တာလက်ထက် ၅ ပွဲ၊ လမ်းပတ်လက်ထက် ၆ ပွဲနဲ့ လက်ရှိနည်းပြ ပိုချက်တီနိုလက်ထက်မှာ ၈ ပွဲအထိရှုံးပွဲကြုံတွေ့ခဲ့တာပါ။ချယ်လ်ဆီးအသင်းဟာ ဝုလ်ဗ်စ်အသင်းကို အရေးနိမ့်ခဲ့တာကြောင့် နှစ်ပေါင်း ၂၃ နှစ်အတွင်း ပထမဆုံးအကြိမ် အဝေးကွင်း ၄ ပွဲဆက်တိုက်ရှုံးနိမ့်ခဲ့တာဖြစ်ပါတယ်။
ချယ်လ်ဆီးအသင်းအတွက်တော့ ဆိုးရွားလွန်းတဲ့ စံချိန်မှတ်တမ်းဖြစ်ပြီး ၂၀၂၃ ခုနှစ်ထဲမှာ ပွဲတွေထပ်ကစားဖို့ ရှိနေတာကြောင့် နောက်ထပ်စံချိန်တင်ရှုံးပွဲမကြုံတွေ့ဖို့အတွက် အသင်းကို အကောင်းဆုံးပြင်ဆင်နိုင်ဖို့ လိုအပ်နေပြီဖြစ်ပါတယ်။လာမယ့်ပွဲတွေမှာ ရလဒ်ထပ်ပြီး မကောင်းဘူးဆိုရင်တော့ နည်းပြ ပိုချက်တီနိုအတွက် နည်းပြရာထူးနဲ့ ပတ်သက်ပြီး စိုးရိမ်စရာတွေရှိလာနိုင်တာဖြစ်ပါတယ်။
