ပရီးမီးယားလိဂ်ပွဲစဉ် ၁၈ ပွဲစဉ်အဖြစ် ဝုလ်ဗ်စ်နဲ့ ချယ်လ်ဆီးအသင်းတို့ ကစားခဲ့ရာမှာ ဝုလ်ဗ်စ်အသင်းက ၂ ဂိုး- ၁ ဂိုးနဲ့ အနိုင်ရရှိသွားခဲ့ပါတယ်။
ချယ်လ်ဆီးအသင်းဟာ ဒီပွဲမှာ ဂိုးရနိုင်မယ့် အခွင့်အရေးတွေရခဲ့ပေမယ့် တိုက်စစ်ကစားသမားတွေရဲ့အဆုံးသတ်ပုံတွေဟာ သိသိသာသာအားနည်းခဲ့တာကို မြင်တွေ့ခဲ့ရတာဖြစ်ပါတယ်။အဲ့ဒါကြောင့်လည်း ချယ်လ်ဆီးအသင်းဟာ လိုအပ်တဲ့ သွင်းဂိုးတွေကို မရယူနိုင်ဘဲ ရှုံးပွဲကြုံတွေ့ခဲ့ရတာပါ။
ဝုလ်ဗ်စ်အသင်းအတွက်ဂိုးတွေကို လီမီနာနဲ့ ဒိုဟာတီတို့က သွင်းယူခဲ့တာဖြစ်ပြီး ချယ်လ်ဆီးအသင်းအတွက်ချေပဂိုးကို အန်ကွန်ကူက သွင်းယူခဲ့တာဖြစ်ပါတယ်။အန်ကွန်ကူအတွက်တော့ ဒီဂိုးဟာ ချယ်လ်ဆီးအသင်းကစားသမားဘ၀ ပထမဆုံးဂိုးဖြစ်ခဲ့တာပါ။
ဒီပွဲရလဒ်ကြောင့် ချယ်လ်ဆီးနဲ့ ဝုလ်ဗ်စ်အသင်းတို့ဟာ ရမှတ် ၂၂ မှတ်နဲ့ အဆင့် ၁၀၊ ၁၁ နေရာတွေမှာ ရပ်တည်နေတာဖြစ်ပါတယ်။လာမယ့် ကြားရက်ထဲမှာ ချယ်လ်ဆီးအသင်းက ပဲလေ့စ်၊ ဝုလ်ဗ်စ်အသင်းက ဘရန်ဖိုဒ့်အသင်းနဲ့ ယှဉ်ပြိုင်ရမှာဖြစ်ပါတယ်။
