ချယ်လ်ဆီးနဲ့ပွဲမှာ ဂိုးမသွင်းနိုင်လို့ စိတ်ပျက်နေပြီး သူ့ကိုရိုက်နေတဲ့ ကင်မရာကိုတွန်းထုတ်ခဲ့တဲ့ ဟာလန်း

မန်စီးတီးအသင်းတိုက်စစ်မှူး ဟာလန်းဟာ မန်စီးတီးနဲ့ ချယ်လ်ဆီးအသင်းတို့ ၁ ဂိုးစီသရေကျခဲ့တဲ့ ပရီးမီးယားလိဂ်ပွဲစဉ်မှာ ဂိုးရနိုင်မယ့်အခွင့်အရေးအများအပြားကို ဖြုန်းတီးခဲ့တာကြောင့် အလွန်စိတ်ပျက်နေပြီး ပွဲအပြီး သူ့ကို လာရိုက်နေတဲ့ ကင်မရာကို တွန်းထုတ်သွားခဲ့တာဖြစ်ပါတယ်။

မန်စီးတီးအသင်းဟာ ဒီပွဲမှာ ဂိုးပေါက်ကန်သွင်းမှု ၃၁ ကြိမ်အထိရှိခဲ့ပြီး ဒီထဲမှာ ဟာလန်းရဲ့ကန်သွင်းမှုက ၉ ကြိမ်အထိရှိခဲ့တာပါ။ဒါပေမယ့် ဟာလန်းဟာ ဒီထဲက ဂိုးရနိုင်မယ့် အပိုင်အခွင့်အရေး ၃ ကြိမ်ကို လွဲချော်ခဲ့တာဖြစ်ပါတယ်။အဲ့ဒါကြောင့် ဟာလန်းဟာ အလွန်စိတ်ပျက်နေပြီး ပွဲအပြီးမှာ သူ့ကို လာရိုက်နေတဲ့ ကင်မရာကို တွန်းထုတ်သွားခဲ့တာပါ။

မန်စီးတီးအသင်းဟာ ဒီပွဲမှာ သရေကျခဲ့တာကြောင့် လက်ကျန်ပွဲကစားဖို့ ၁ ပွဲကျန်သေးပေမယ့် အဆင့် ၁ က လီဗာပူးလ်အသင်းနဲ့ ၄ မှတ် အဆင့် ၂ နေရာက အာဆင်နယ်အသင်းနဲ့ ၂ မှတ်ကွာဟသွားတာဖြစ်ပါတယ်။မန်စီးတီးအသင်းအတွက်တော့ ဒီပွဲရလဒ်ဟာ အမှတ်ပေးဇယားအဆင့် ၁ နေရာကို တက်ချင်နေတဲ့ သူတို့အသင်းအတွက် စိတ်ပျက်စရာဖြစ်ခဲ့ရပါတယ်။

https://twitter.com/collinabanter/status/1758937539635765387?ref_src=twsrc%5Etfw%7Ctwcamp%5Etweetembed%7Ctwterm%5E1758937539635765387%7Ctwgr%5E544cb78de9c6f15a6fe7e7826dd018573f37d6ea%7Ctwcon%5Es1_c10&ref_url=https%3A%2F%2Fmetro.co.uk%2F2024%2F02%2F17%2Ferling-haaland-shoves-camera-face-man-city-draw-chelsea-20299604%2F

မကြာသေးခင်ကမှ ဒဏ်ရာကနေ ပြန်သက်သာလာတဲ့ ဟာလန်းဟာ ဒီရာသီ ပရီးမီးယားလိဂ်ပြိုင်ပွဲမှာ မန်စီးတီးအသင်းအတွက် ၁၆ ဂိုးသွင်းယူထားပြီး ဂိုးသွင်းအများဆုံးကစားသမားအဖြစ် ရပ်တည်နေတာဖြစ်ပါတယ်။