လီဗာပူးလ်နဲ့ ယူနိုက်တက်အသင်းတို့ ဂိုးမရှိသရေကျတဲ့ပွဲမှာ လီဗာပူးလ်အသင်းကသာ အနိုင်ရယူဖို့ ကြိုးစားတဲ့တစ်သင်းတည်းသောအသင်းဖြစ်တယ်လို့ ပြောခဲ့တဲ့ ဗန်ဒိုက်ကို ယူနိုက်တက်ဂန္ထဝင် ဗန်ဒိုက်က ပြန်လည်တုံ့ပြန်ခဲ့တာဖြစ်ပါတယ်။
လီဗာပူးလ်အသင်းဟာ ဒီပွဲမှာ ဘောလုံးပိုင်ဆိုင်မှုအသာစီး ဂိုးပေါက်ကန်သွင်းမှု ၃၄ ကြိမ်အထိ ရှိခဲ့ပေမယ့် ယူနိုက်တက်အသင်းရဲ့ခံစစ်နဲ့ ဂိုးသမား အိုနာနာကို ကျော်ဖြတ်နိုင်ခဲ့ခြင်းမရှိတာပါ။အဲ့ဒါကြောင့် ဗန်ဒိုက်က ယူနိုက်တက်အသင်းက ဒီရလဒ်ကြောင့် ပျော်နေပြီး သူတို့က စိတ်ပျက်နေတယ်လို့ ဆိုခဲ့တာဖြစ်ပါတယ်။
ရွိုင်ကိန်းက “သူဟာ ယူနိုက်တက်ကို လေးစားမှုမရှိဘဲ စိတ်ကြီးဝင်နေတဲ့ စကားတွေပြောခဲ့ပါတယ်။သူဟာ နှစ်ပေါင်း ၃၀ အကြာမှ ပရီးမီးယားလိဂ်ဖလားကို ရခဲ့တဲ့အသင်းမှာကစားနေတယ်ဆိုတာ သတိရဖို့ လိုပါတယ်။အန်ဖီးလ်ကွင်းက ခက်ခဲတဲ့နေရာဖြစ်တဲ့အတွက် သရေကျလို့ ပျော်ရွှင်နေကြတာပါ”
“လီဗာပူးလ်က ဒီပွဲမှာ အခွင့်အရေးတွေအများကြီးရခဲ့ပေမယ့် မရယူနိုင်ခဲ့တာပါ။ဒါက သူတို့ရဲ့အမှားတွေပါပဲ”လို့ ဆိုခဲ့ပါတယ်။လီဗာပူးလ်အသင်းဟာ ဒီရလဒ်ကြောင့် ဒီရာသီအန်ဖီးလ်မှာ ပွဲတိုင်းအနိုင်ရတဲ့ စံချိန်တွေရပ်တန့်သွားခဲ့ပါတယ်။
ယူနိုက်တက်အသင်းအတွက်လည်း ဒီပွဲဟာ ဒီရာသီ ပြိုင်ပွဲအရပ်ရပ်မှာ ပထမဆုံးသရေရလဒ်ထွက်ပေါ်ခဲ့တဲ့ ပွဲဖြစ်ခဲ့ပါတယ်။
