ပဲလေ့စ်အသင်းနည်းပြ ရွိုင်းဟောဒ့်ဆန်ဟာ မန်စီးတီးအသင်းနဲ့ ၂ ဂိုးစီသရေကျခဲ့တဲ့ ပရီးမီးယားလိဂ်ပွဲမှာ အသင်းဘက်က ချေပဂိုးသွင်းယူပြီးနောက် မန်စီးတီးအသင်းနည်းပြ ဂွာဒီယိုလာရဲ့မျက်နှာကို ကြည့်ပြီး ရယ်မောနေခဲ့တာဖြစ်ပါတယ်။
ဒီပွဲမှာ မန်စီးတီးအသင်းဟာ ဂရီလစ်ရှ်၊ ရီကိုလူးဝစ်တို့ရဲ့ဂိုးတွေနဲ့ ဦးဆောင်နိုင်ခဲ့ပေမယ့် မာတီတာနဲ့ အိုလီဆီတို့က ပဲလေ့စ်အသင်းအတွက် နောက်ကျချေပဂိုးတွေသွင်းယူခဲ့လို့ ၂ ဂိုးစီသရေရလဒ်နဲ့ ပွဲပြီးဆုံးသွားခဲ့တာပါ။မန်စီးတီးအသင်းအတွက်တော့ ပဲလေ့စ်အသင်းနဲ့ သရေကျတာဟာ အိမ်ကွင်း ၃ ပွဲဆက်သရေကျခဲ့တာဖြစ်ပါတယ်။
https://x.com/MenInBlazers/status/1736090213716300154?s=20
ချေပဂိုးသွင်းယူအပြီးမှာ မန်စီးတီးအသင်းနည်းပြ ဂွာဒီယိုလာဖြစ်ပျက်နေတဲ့ပုံစံကို ကြည့်ပြီး ရွိုင်းဟော့ဒ်ဆန်ရယ်မောနေတာကို ရုပ်သံတွေက အမိအရမှတ်တမ်းတင်နိုင်ခဲ့တာပါ။ပရိသတ်တွေကတော့ ဆိုရှယ်မီဒီယာပေါ်မှာ ဒီအပြုအမူကို တုံ့ပြန်ခဲ့ကြပြီး ရွိုင်းဟော့ဒ်ဆန်ရဲ့တုံ့ပြန်မှုဟာ အဖိုးမဖြတ်နိုင်ဘူးလို့ ရေးသားခဲ့တာဖြစ်ပါတယ်။
မန်စီးတီးအသင်းဟာ ဒီရလဒ်ကြောင့် ထိပ်ဆုံးနေရာက လီဗာပူးလ်အသင်းထက် ၁ ပွဲပိုကစားထားပြီး ရမှတ် ၃ မှတ်လျော့နဲ့ အဆင့် ၄ နေရာမှာ ရပ်တည်နေတာပါ။ပဲလေ့စ်အသင်းဟာ ပရီးမီးယားလိဂ်နောက်ဆုံး ၅ ပွဲဆက်တိုက်နိုင်ပွဲပျောက်ဆုံးခဲ့ပေမယ့် တန်းဆင်းဇုန်အပြင်ဘက်မှာ ဆက်လက်ရပ်တည်နေတာဖြစ်ပါတယ်။
