အဲဗာတန်အသင်းဟာ ဒီမနက်ကစားခဲ့တဲ့ ပရီးမီးယားလိဂ်ပွဲစဉ်မှာ ဘန်လေအသင်းကို အဝေးကွင်းမှာ ၂ ဂိုး- ဂိုးမရှိနဲ့ အနိုင်ရရှိသွားခဲ့ပါတယ်။အဲဗာတန်အတွက်ဂိုးတွေကို မိုက်ကယ်ကိန်းနဲ့ အိုနာနာတို့က သွင်းယူခဲ့တာဖြစ်ပါတယ်။
ဘဏ္ဍာရေးစည်းမျဉ်းချိုးဖောက်ခဲ့လို့ ၁၀ မှတ်လျှော့ပြစ်ဒဏ်ချမှတ်ခံရပြီးနောက်ပိုင်း အဲဗာတန်အသင်းရဲ့စွမ်းဆောင်ရည်ဟာ အလွန်ကောင်းမွန်ခဲ့တာဖြစ်ပြီး ဘန်လေအသင်းနဲ့ပွဲအပါအဝင် နောက်ဆုံး ပရီးမီးယားလိဂ် ၄ ပွဲဆက်တိုက်နိုင်ပွဲရယူနိုင်ခဲ့တာပါ။အဲဗာတန်အသင်းဟာ ဒီ ၄ ပွဲစလုံးကို ပေးဂိုးမပေးခဲ့ရတာဖြစ်ပါတယ်။
ဒါဟာ အဲဗာတန်အသင်းအတွက်တော့ ၂၀၀၂ နောက်ပိုင်း ပထမဆုံးအကြိမ်စွမ်းဆောင်နိုင်ခဲ့တာဖြစ်ပါတယ်။အဲဗာတန်အသင်းဟာ ဒီနိုင်ပွဲတွေကြောင့် အဆင့် ၁၆ အထိတက်လှမ်းနိုင်ခဲ့ပြီး ဘဏ္ဍာရေးချိုးဖောက်မှုအယူခံအောင်မြင်ခဲ့မယ်ဆိုရင် အဆင့် ၁၀ အတွင်းဝင်ရောက်သွားနိုင်မှာပါ။
အဲဗာတန်အသင်းဟာ ကြားရက်ထဲမှာ ကာရာဘောင်းဖလားပွဲစဉ်အဖြစ် ဖူလ်ဟမ်အသင်းနဲ့ ယှဉ်ပြိုင်ရမှာဖြစ်ပါတယ်။