စပါးအသင်းဟာ ဒီမနက်ပိုင်းက ကစားခဲ့တဲ့ ပရီးမီးယားလိဂ်ပွဲစဉ်မှာ နော်တင်ဟမ်ဖောရက်စ်အသင်းကို ၂ ဂိုး- ဂိုးမရှိနဲ့ အနိုင်ရရှိသွားခဲ့ပါတယ်။
ဒီပွဲမှာ စပါးအသင်းအတွက်ဂိုးတွေကို ရစ်ချာလီဆင်နဲ့ ကူလူဆက်ဗ်စကီးတို့က သွင်းယူခဲ့တာဖြစ်ပြီး ပွဲချိန်မိနစ် ၇၀ မှာ ဘစ်ဆိုးမား တိုက်ရိုက်အနီကတ်နဲ့ ထုတ်ပယ်ခံရလို့ စပါးအသင်းအနည်းငယ်ရုန်းကန်ခဲ့ရသေးတာပါ။ဘစ်ဆိုးမားရဲ့အနီကတ်ဟာ စပါးအသင်းဒီရာသီမှာ ပြသခံခဲ့ရတဲ့ ၄ ကတ်မြောက်အနီကတ်လည်းဖြစ်ပါတယ်။
ရစ်ချာလီဆင်ဟာ ၂၀၂၂ ခုနှစ်အောက်တိုဘာနောက်ပိုင်း ပထမဆုံးအကြိမ် ၂ ပွဲဆက်ဂိုးသွင်းယူနိုင်ခဲ့တာဖြစ်ပြီး အကောင်းဆုံးပုံစံကို ပြန်လည်ရယူနိုင်ခဲ့တာပါ။နယူးကာဆယ်နဲ့ နော်တင်ဟမ်ဖောရက်စ်တို့ပွဲမတိုင်ခင် နောက်ဆုံး ၅ ပွဲဆက်တိုက်နိုင်ပွဲပျောက်ဆုံးခဲ့တဲ့ စပါးအသင်းဟာ လက်ရှိအချိန်မှာ ၂ ပွဲဆက်နိုင်ပွဲရယူနိုင်ခဲ့တာဖြစ်ပါတယ်။
စပါးအသင်းဟာ ဒီနိုင်ပွဲကြောင့် အဆင့် ၄ နေရာက မန်စီးတီးအသင်းနဲ့ ရမှတ်တူ ၃၃ မှတ်နဲ့အဆင့် ၅ နေရာမှာ ဆက်လက်ရပ်တည်နေတာပါ။စပါးအသင်းဟာ လာမယ့်အပတ်မှာ ပရီးမီးယားလိဂ်ပွဲစဉ်အဖြစ် အဲဗာတန်အသင်းနဲ့ ယှဉ်ပြိုင်ရမှာဖြစ်ပါတယ်။