ဒဏ်ရာကြောင့် အနားယူနေရတဲ့ ဒယ်လီအလီဟာ လေ့ကျင့်မှုတွေပြန်လည်ပြုလုပ်နေပြီဖြစ်တာကြောင့် အဲဗာတန်အသင်းအတွက် ၁ နှစ်အကြာမှ ပထမဆုံးပွဲစဉ်အဖြစ် ပြန်လည်ပါဝင်နိုင်ဖွယ်ရှိနေတာဖြစ်ပါတယ်။
ပြီးခဲ့တဲ့ ၂၀၂၂ ဆောင်းရာသီအပြောင်းအရွှေ့စျေးကွက်မှာ စပါးအသင်းကနေ ရောက်ရှိလာခဲ့တဲ့ ဒယ်လီအလီဟာ အဲဗာတန်အသင်းအတွက် ၁၃ ပွဲသာပါဝင်ကစားထားတာပါ။ဒယ်လီအလီဟာ ပြီးခဲ့တဲ့နွေရာသီက ဘက်ဆီးတပ်စ်အသင်းထံ အငှားနဲ့ သွားရောက်ကစားခဲ့ပေမယ့် ခြေစွမ်းပြသနိုင်ခဲ့ခြင်းမရှိပါဘူး။
အခုနွေရာသီမှာ အဲဗာတန်အသင်းထံ ပြန်လည်ရောက်ရှိလာခဲ့တဲ့ ဒယ်လီအလီဟာ ဒဏ်ရာကြောင့် အနားယူနေခဲ့ရပြီး အခုမှ အသင်းနဲ့အတူ လေ့ကျင့်မှုတွေပြန်လည်ပြုလုပ်နိုင်ခဲ့တာပါ။အဲဗာတန်အသင်းနည်းပြ ရှောင်ဒိုက်က ဒယ်လီအလီဟာ အသင်းအတွက် ပြန်လည်ကစားပေးနိုင်ဖို့ နီးစပ်နေပြီလို့ ပြောထားခဲ့ပါတယ်။
ဒယ်လီအလီနဲ့ အဲဗာတန်အသင်းတို့ ချုပ်ဆိုထားတဲ့ စာချုပ်ဟာ ၂၀၂၄ ခုနှစ် ဇွန်လမှာ ကုန်ဆုံးမှာဖြစ်လို့ အကောင်းဆုံးခြေစွမ်းတွေပြသနိုင်မှသာ အဲဗာတန်အသင်းရဲ့စာချုပ်သက်တမ်းတိုးခြင်းကို ခံရဖွယ်ရှိနေတာဖြစ်ပါတယ်။
