ကန်တီကတော့ ချယ်လ်ဆီးအသင်းရဲ့စာချုပ်သစ်ကမ်းလှမ်းမှုကို ပယ်ချလိုက်တယ်လို့ သတင်းတွေအရ သိရပါတယ်။
ကန်တီနဲ့ ချယ်လ်ဆီးအသင်းတို့ ချုပ်ဆိုထားတဲ့ စာချုပ်ဟာ ကုန်ဆုံးမှာဖြစ်ပြီး စာချုပ်သစ်အတွက် သဘောတူညီမှုမရရှိသေးတာပါ။နည်းပြဟောင်း တူချယ်လ်ဟာ အသင်းက မထွက်ခွာခင်အချိန်က ကန်တီရဲ့အကြောင်းနဲ့ ပတ်သက်ပြီး ပွင့်ပွင့်လင်းလင်းပြောခဲ့တာဖြစ်ပါတယ်။
ကစားသမားရဲ့ဒဏ်ရာတွေကြောင့် စာချုပ်သက်တမ်းတိုးရာမှာ အပေးအယူလုပ်ရမယ်ဆိုပြီး ပြောထားတာရှိတာပါ။ကန်တီဟာ ပြီးခဲ့တဲ့ ၂ နှစ်အတွင်း ဒဏ်ရာတွေကြောင့် ပွဲကစားခွင့်အနည်းငယ်သာရှိခဲ့ပေမယ့် ကလပ်ရဲ့လစာအများဆုံးကစားသမားအဖြစ် ဆက်ရှိခဲ့ပါတယ်။
ကန်တီဟာ ချယ်လ်ဆီးမှာ ဆက်နေချင်ပေမယ့် လန်ဒန်ကလပ်က ကနဦး ၂ နှစ်စာချုပ်၊ နောက်ထပ် ၁၂ လ ရွေးချယ်ခွင့်နဲ့ ကမ်းလှမ်းထားတာဖြစ်ပါတယ်။ချယ်လ်ဆီးအသင်းဟာ ကူလီဘာလီနဲ့ အသက်အရွယ်တူညီနေတဲ့ ကူလီဘာလီကို ၄ နှစ်စာချုပ်ချုပ်ဆိုခဲ့တာပါ။
တိုက်စစ်မှူး အူဘာမီယန်းကိုလည်း ၃ နှစ်စာချုပ်ချုပ်ဆိုခဲ့ဝာာဖြစ်ပါတယ်။ကန်တီကတော့ ကာလကြာရှည်သက်တမ်းတိုးဖို့ မျှော်လင့်နေတာကြောင့် အခု ကမ်းလှမ်းမှုကို ပယ်ချခဲ့တာဖြစ်ပါတယ်။
အဲ့ဒါကြောင့် ကန်တီဟာ ဇန်နဝါရီ ၁ ရက်မှာ တခြားအသင်းတွေနဲ့ လွတ်လပ်စွာဆွေးနွေးမှုတွေ ပြုလုပ်လို့ရမှာ ဖြစ်ပြီး သူ့ကို ခေါ်ယူဖို့ ပရီးမီးယားလိဂ်ကလပ် ၂ သင်းက စိတ်ဝင်စားနေတာဖြစ်ပါတယ်။ကန်တီဟာ ပြည်ပကလပ်အသင်းတွေနဲ့ အဆိုပါကာလမှာ အကြိုစာချုပ်ပါချုပ်လို့ရတာဖြစ်ပါတယ်။
