ချယ်လ်ဆီးအသင်းတိုက်စစ်မှူး ဂျက်ဆန်ဟာ အဲဗာတန်ကစားသမား ပက်ဒါဆန်ရဲ့လည်ပင်းကို ဖမ်းဆုပ်ခဲ့ပေမယ့် FA ရဲ့အရေးယူမှုကနေလွတ်မြောက်ခဲ့တာဖြစ်ပါတယ်။
အဲဗာတန်အသင်းက ချယ်လ်ဆီးအသင်းကို ၂ ဂိုး- ဂိုးမရှိနဲ့ အနိုင်ရရှိခဲ့တဲ့ ဒီပွဲမှာဖြစ်ပျက်ခဲ့တဲ့ ထိပ်တိုက်တွေ့ဆုံမှုမှာ ဂျက်ဆန်ဟာ ပက်ဒါဆန်ရဲ့လည်ပင်းကို ဖမ်းဆုပ်ခဲ့တာပါ။ဂျက်ဆန်အနေနဲ့ ဒီဖြစ်ရပ်ကြောင့် အရေးယူခံရနိုင်တယ်လို့ သတင်းတွေထွက်ပေါ်ခဲ့ပေမယ့် အရေးယူခံရမှုကနေ လွတ်မြောက်ခဲ့တာဖြစ်ပါတယ်။
ဂျက်ဆန်ဟာ ဒီပွဲစဉ်မှာ အသင်းရဲ့ချယ်လ်ဆီးအသင်းလူစာရင်းမှာ မပါဝင်ခဲ့ပေမယ့် ဒုတိယပိုင်းမှာ ဘရိုဂျာနေရာလူစားလဲဝင်ရောက်လာခဲ့တာပါ။ဂျက်ဆန်ဟာ ဒီပွဲမှာ အဆုံးသတ်ပိုင်းအားနည်းခဲ့တာကြောင့် ချယ်လ်ဆီးအသင်းဟာ ပြန်လာနိုင်ခဲ့ခြင်းမရှိဘဲ နိုင်ပွဲနဲ့ ဝေးကွာခဲ့တာဖြစ်ပါတယ်။
နွေရာသီက ဗီလာရီးရယ်လ်ကနေ ရောက်ရှိလာခဲ့တဲ့ ဂျက်ဆန်ဟာ စပါးအသင်းကို အနိုင်ရခဲ့တဲ့ပွဲမှာ ဟက်ထရစ်သွင်းယူနိုင်ခဲ့တာကလွဲပြီး ကျန်ပွဲတွေမှာ ခြေစွမ်းပြသနိုင်ဖို့ ရုန်းကန်နေရပြီး ချယ်လ်ဆီးအသင်းအတွက် ပါဝင်ကစားထားတဲ့ ၁၈ ပွဲမှာ ၇ ဂိုးသွင်းယူထားတာဖြစ်ပါတယ်။
