အွန်နရီကတော့ အာတီတာလက်အောက်မှာ အာဆင်နယ်အသင်းကို ထပ်မံယုံကြည်ကြောင်းပြောလိုက်ပါတယ်။ဒါပေမယ့် သူတို့ရဲ့အင်အားကိုတော့ စိုးရိမ်မှုရှိတယ်လို့ အွန်နရီက ပြောခဲ့တာပါ။
အာဆင်နယ်အသင်းဟာ အခုနှစ်ရာသီအစပိုင်းမှာ တာထွက်ကောင်းနေပြီး ၆ ပွဲကစားထားရာမှာ ၅ ပွဲအနိုင်ရထားပြီး ယူနိုက်တက်အသင်းကိုသာ အရေးနိမ့်ကာ အမှတ်ပေးဇယားထိပ်ဆုံးနေရာမှာ ရပ်တည်နေတာဖြစ်ပါတယ်။
အွန်နရီက “အဲ့ဒီမှာ အသင်းအဖွဲ့လို စည်းစည်းလုံးလုံးရှိနေတာကို တွေ့ရပြီး ဒါကို သဘောကျပါတယ်။အသင်းဟာ ကွဲပြားခြားနားပါတယ်။ဒါပေမယ့် ဂျီးဆပ်စ်၊ဆာကာ၊ ဆလီဘာ၊ အိုဒီဂတ်တို့လို သူမျိုးတွေရှိပါတယ်”
“ကျွန်တော်သူတို့ကို ယုံပါတယ်။ဒီလိုမျိုးမယုံတာကြာနေပါပြီ။တစ်ခုခုလုပ်နိုင်တယ်လို့ ယုံကြည်ခဲ့ပါတယ်။ဒါပေမယ့် အသင်းရဲ့အင်အားကြောင့် ယူရိုပါလိဂ်အတွက် စိုးရိမ်ပါတယ်။ပွဲထွက်လူစာရင်းက လုံလောက်တယ်လို့ထင်ပါတယ်”
“ဒါပေမယ့် ရာသီကရှည်လျားတာကြောင့် သူတို့အတွက် အနည်းငယ်တော့ ဖြစ်နိုင်ပါတယ်”လို့ ဆိုခဲ့ပါတယ်။အာဆင်နယ်အသင်းဟာ ဒီနေ့မှာ ဇူးရစ်နဲ့ ယူရိုပါလိဂ်ယှဉ်ပြိုင်ရမှာဖြစ်ပါတယ်။
