၂၀၂၃-၂၄ ရာသီပရီးမီးယားလိဂ်ပြိုင်ပွဲမှာ ဟက်ထရစ်ဂိုးသွင်းယူထားတဲ့သူ စုစုပေါင်းက ၁၀ ဦးအထိရှိလာပြီဖြစ်ပါတယ်။နောက်ဆုံးဟက်ထရစ်ဂိုးသွင်းယူထားတဲ့ ကစားသမားကတော့ မနေ့က ချယ်လ်ဆီးအသင်းနဲ့ပွဲမှာ ဝုလ်ဗ်စ်အသင်းအတွက် သွင်းယူနိုင်ခဲ့တဲ့ တိုက်စစ်မှူး ကွန်ညာဖြစ်ပါတယ်။
ကွန်ညာမတိုင်ခင် ဟက်ထရစ်ဂိုးသွင်းယူထားတဲ့ ကစားသမား ၉ ဦးက ဘယ်သူတွေလဲဆိုတာကို ဖော်ပြပေးသွားမှာပါ။ပထမဆုံးကစားသမားကတော့ စပါးအသင်းခေါင်းဆောင် ဆွန်ဟောင်မင်ဖြစ်ပြီး စပါးအသင်းက ဘန်လေအသင်းကို ၅ ဂိုး-၂ ဂိုးနဲ့ အနိုင်ရတဲ့ပွဲမှာ သွင်းယူခဲ့တာဖြစ်ပါတယ်။နောက်တစ်ဦးကတော့ မန်စီးတီးအသင်းတိုက်စစ်မှူး ဟာလန်းပါ။ဟာလန်းဟာ မန်စီးတီးအသင်းက ဖူလ်ဟမ်အသင်းကို ၅ ဂိုး-၁ ဂိုးနဲ့ အနိုင်ရတဲ့ပွဲမှာ သွင်းယူခဲ့တာဖြစ်ပါတယ်။
နောက်တစ်ဦးက ဘရိုက်တန်အသင်းတိုက်စစ်မှူး အီဗန်ဖာဂူဆန်ဖြစ်ပြီး အီဗန်ဖာဂူဆန်ဟာ နယူးကာဆယ်အသင်းကို ၃ ဂိုး-၁ ဂိုးနဲ့ အနိုင်ရတဲပွဲမှာ သွင်းယူခဲ့တာပါ။နောက်ထပ်တစ်ဦးက အက်စတွန်ဗီလာအသင်းတိုက်စစ်မှူး ဝက်ကင်စ်ဖြစ်ပြီး ဝက်ကင်စ်ဟာ ဘရိုက်တန်အသင်းကို ၆ ဂိုး-၁ ဂိုးနဲ့ အနိုင်ရတဲ့ပွဲမှာ သွင်းယူခဲ့တာဖြစ်ပါတယ်။
နောက်တစ်ဦးက အာဆင်နယ်အသင်းတိုက်စစ်မှူး အန်ကီတီယာဖြစ်ပြီး ရှက်ဖီးယူနိုက်တက်အသင်းကို ၅ ဂိုး-ဂိုးမရှိနဲ့ အနိုင်ရတဲ့ပွဲမှာ သွင်းယူခဲ့တာပါ။နောက်ထပ်တစ်ဦးက ချယ်လ်ဆီးအသင်းတိုက်စစ်မှူး ဂျက်ဆန်ဖြစ်ပြီး စပါးအသင်းကို ၄ ဂိုး-၁ ဂိုးနဲ့ အနိုင်ရတဲ့ပွဲမှာ သွင်းယူခဲ့တာဖြစ်ပါတယ်။နောက်ထပ်ကစားသမားကတော့ ဘုန်းမောက်အသင်းတိုက်စစ်မှူး ဆိုလန်ကီဖြစ်ပြီး နော်တင်ဟမ်ဖောရက်စ်အသင်းကို ၃ ဂိုး-၂ ဂိုးနဲ့ အနိုင်ရတဲ့ပွဲမှာ သွင်းယူခဲ့တာပါ။
နောက်တစ်ဦးက ဘောက်ဆင်ဒေးပွဲစဉ်ဖြစ်တဲ့ နယူးကာဆယ်အသင်းကို ၃ ဂိုး-၁ ဂိုးနဲ့ အနိုင်ရတဲ့ပွဲမှာ နော်တင်ဟမ်ဖောရက်စ်အသင်းအတွက် ဟက်ထရစ်သွင်းယူခဲ့တဲ့ ခရစ်ဝုဒ်ဖြစ်ပါတယ်။ကွန်ညာမတိုင်ခင် နောက်ဆုံးတစ်ဦးက လူတန်အသင်းတိုက်စစ်မှူး အဒီဘာယိုဖြစ်ပြီး ဘရိုက်တန်အသင်းကို ၄ ဂိုး- ဂိုးမရှိနဲ့ အနိုင်ရတဲ့ပွဲမှာ သွင်းယူခဲ့တာပါ။
ဒီရာသီ ပရီးမီးယားလိဂ်ပြိုင်ပွဲပြီးဆုံးဖို့အတွက် နောက်ထပ် ၁၅ ပွဲကစားဖို့ ကျန်ရှိနေသေးတာကြောင့် နောက်ထပ်ဘယ်ကစားသမားတွေက ဟက်ထရစ်ထပ်ပြီးရယူသွားနိုင်မလဲဆိုတာတော့ စောင့်ကြည့်ရမှာဖြစ်ပါတယ်။