ယူနိုက်တက်အသင်းနဲ့ ကင်မရွန်းအသင်းတို့ရဲ့သဘောတူညီမှုကြောင့် ဂိုးသမား အိုနာနာဟာ စပါးအသင်းနဲ့ ကစားမယ့် ပရီးမီးယားလိဂ်ပွဲစဉ်မှာ ယူနိုက်တက်အသင်းအတွက် ပါဝင်ဖွယ်ရှိနေတာဖြစ်ပါတယ်။
အစောပိုင်းက အိုနာနာဟာ ဝီဂန်အသင်းနဲ့အက်ဖ်အေဖလားပွဲစဉ်အထိ ယူနိုက်တက်အသင်းမှာ ဆက်ပြီးရှိနေဖို့ သဘောတူညီမှုရခဲ့ပေမယ့် အခုအချိန်မှာတော့ စပါးအသင်းနဲ့ ပရီးမီးယားလိဂ်ပွဲစဉ်အထိ ဆက်ပြီးရှိနေတော့မှာပါ။အိုနာနာဟာ ဒီပွဲအပြီးမှာ အိုင်ဗရီကို့စ်နိုင်ငံကို ထွက်ခွာကာ အာဖရိကဖလားအဖွင့်ပွဲကစားမယ့် ကင်မရွန်းအသင်းနဲ့ သွားရောက်ပူးပေါင်းမှာ ဖြစ်ပါတယ်။
အာဖရိကနိုင်ငံများဖလားပြိုင်ပွဲအတွက် ပရီးမီးယားလိဂ်ကလပ်အသင်းတွေဟာ သူတို့ရဲ့ကစားသမားတွေကို ဇန်နဝါရီ ၁ ရက်နောက်ဆုံးထားပေးပို့ဖို့ သတ်မှတ်ထားတာပါ။ဒါပေမယ့် ယူနိုက်တက်နဲ့ ကင်မရွန်းအသင်းတို့ကတော့ အိုနာနာအတွက် နှစ်ဦးသဘောတူညီမှုရယူထားတာဖြစ်ပါတယ်။အိုနာနာဟာ ဒီရာသီမှာ ယူနိုက်တက်အသင်းအတွက် လက်စွမ်းပြသနိုင်ဖို့ ရုန်းကန်နေရပေမယ့် အာဖရိကဖလားသွားရောက်မယှဉ်ပြိုင်ခင်အချိန်အထိ အသင်းအတွက် အကောင်းဆုံးပေးဆပ်ချင်နေတာပါ။
ယူနိုက်တက်အသင်းဟာ ဒီရာသီ ပြိုင်ပွဲစုံ ၂၈ ပွဲကစားထားအပြီးမှာ ၁၄ ပွဲအထိ အရေးနိမ့်ထားခဲ့တာဖြစ်ပါတယ်။