ယူနိုက်တက်အသင်းတောင်ပံကစားသမား ဆန်ချိုဟာ အခုအပြောင်းအရွှေ့မှာ အသင်းဟောင်း ဒေါ့မွန်အသင်းထံ ၆ လအငှားစာချုပ်နဲ့ ပြောင်းရွှေ့ကစားဖို့ နီးစပ်နေပြီလို့ သိရပါတယ်။
လက်ရှိအချိန်မှာ ယူနိုက်တက်နဲ့ ဒေါ့မွန်အသင်းတို့ဟာ ဆန်ချိုရဲ့အငှားစာချုပ်အတွက် ဆွေးနွေးမှုတွေပြုလုပ်နေပြီး အပြီးသတ်နိုင်ဖို့ နီးစပ်နေတာပါ။ဆန်ချိုဟာ နည်းပြ အဲရစ်တန်ဟတ်နဲ့ အဆင်မပြေဖြစ်ပြီးကတည်းက ယူနိုက်တက်လူစာရင်းကနေ ဖယ်ထားခံထားရပြီး တစ်ဦးထဲ လေ့ကျင့်မှုတွေသာ ပြုလုပ်ခဲ့ရတာဖြစ်ပါတယ်။
အဲ့ဒါကြောင့်လည်း ဆန်ချိုဟာ အခုအပြောင်းအရွှေ့မှာ ယူနိုက်တက်အသင်းကနေ ထွက်ခွာဖို့ လုပ်ဆောင်ခဲ့ပြီးသူ့ကို ခေါ်ယူဖို့ စိတ်ဝင်စားနေတဲ့ အသင်းတွေထဲကမှ သူ့ရဲ့ကစားသမားဘဝမှာ အောင်မြင်မှုရခဲ့တဲ့ ဒေါ့မွန်အသင်းထံ ပြန်ဖို့ ရွေးချယ်ခဲ့တာပါ။ဒေါ့မွန်အသင်းဟာ ဆန်ချိုကို ခေါ်ယူတဲ့ အငှားကြေးကို ယူနိုက်တက်အသင်းထံ ပေးဖို့ရှိနေပါတယ်။
ဒါပေမယ့် ဆန်ချိုရဲ့လုပ်ခလစာအများစုကို ယူနိုက်တက်အသင်းကသာ ဆက်ပြီးပေးချေရဖို့ ရှိနေတာပါ။ဆန်ချိုဟာ ဒီတစ်ပတ်ထဲမှာ ဒေါ့မွန်အသင်းနဲ့ လေ့ကျင့်မှုတွေပြန်ပြုလုပ်ချင်နေပြီး သူ့ရဲ့ကစားသမားဘဝကို အသက်သွင်းနိုင်ဖို့ ပစ်မှတ်ထားနေတာဖြစ်ပါတယ်။