အာဆင်နယ်အသင်းနည်းပြ အာတီတာက ဖူလ်ဟမ်အသင်းကို အရေးနိမ့်ခဲ့တဲ့ပွဲက အသင်းရဲ့စွမ်းဆောင်ရည်ဟာ ဒီရာသီမှာ အသင်းရဲ့အဆိုးရွားဆုံးစွမ်းဆောင်ရည်လို့ ပြောသွားခဲ့ပါတယ်။
အာဆင်နယ်အသင်းဟာ ဒီပွဲမှာ ဖူလ်ဟမ်အသင်းကို ဆာကာရဲ့ဂိုးနဲ့ ဦးဆောင်ခဲ့ပေမယ့် ဂျီမီနက်စ်နဲ့ ရိဒ်တို့ရဲ့ဂိုးတွေကြောင့် ပွဲအပြီးမှာ ၂ ဂိုး-၁ ဂိုးနဲ့ အရေးနိမ့်သွားခဲ့တာဖြစ်ပါတယ်။အာဆင်နယ်အသင်းဟာ ဒီရှုံးပွဲကြောင့် နောက်ဆုံးကစားခဲ့တဲ့ ပရီးမီးယားလိဂ် ၅ ပွဲမှာ ၁ ပွဲသာ အနိုင်ရထားတဲ့အထိ ရလဒ်တွေဆိုးလာခဲ့တာပါ။
အဲ့ဒါကြောင့်လည်း အာဆင်နယ်အသင်းဟာ ပရီးမီးယားလိဂ်အဆင့် ၄ နေရာကို ကျဆင်းသွားခဲ့ပြီး အဆင့် ၅ နေရာက စပါးအသင်းနဲ့ ၁ မှတ်သာကွာဟတော့တာဖြစ်ပါတယ်။အာတီတာကတော့ ဖူလ်ဟမ်နဲ့ပွဲမှာ အာဆင်နယ်အသင်းအနိုင်ရဖို့ မထိုက်တန်ခဲ့ဘူးလို့ဆိုခဲ့ပါတယ်။
အာတီတာက “ကျနော်တို့ဟာ ထိပ်ဆုံးနေရာတက်လှမ်းနိုင်မယ့် အခွင့်အရေးကို မယူနိုင်ခဲ့ပါဘူး။ဒီပွဲမှာ ကျနော်တို့ဟာ လုံလောက်အောင်မကောင်းသလို အနိုင်ရဖို့လည်း မထိုက်တန်ပါဘူး။ကျနော်တို့ဟာ ကိုယ့်ကိုကိုယ်မှန်ထဲပြန်ကြည့်သင့်ပါတယ်။ဘာကြောင့်လဲဆိုရင် ဒီပွဲကစားတဲ့ပုံက ဒီရာသီရဲ့အဆိုးရွားဆုံးစွမ်းဆောင်ရည်ပါ”လို့ဆိုခဲ့ပါတယ်။
