မန်စီးတီးအသင်းဟာ ချန်ပီယံလိဂ်ဆီမီးဖိုင်နယ် ဒုတိယအကျော့ပွဲစဉ်အဖြစ်ကစားခဲ့တဲ့ပွဲမှာ ရီးရယ်လ်အသင်းကို ၄ ဂိုး- ဂိုးမရှိနဲ့ ဂိုးပြတ်အနိုင်ရရှိသွားခဲ့ပါတယ်။
မန်စီးတီးအတွက်ဂိုးတွေကို ဘာနာဒိုဆေးလ်ဗားက ၂ ဂိုး၊ အကန်ဂျီနဲ့ အယ်လ်ဗားရတ်ဇ်တို့က ၁ ဂိုးစီသွင်းယူခဲ့တာဖြစ်ပါတယ်။ပထမအကျော့က ၁ ဂိုးစီသရေကျခဲ့လို့ နှစ်ကျော့ပေါင်းရလဒ် ၅ ဂိုး- ၁ ဂိုးနဲ့ မန်စီးတီးအသင်း ချန်ပီယံလိဂ်ဗိုလ်ခုပွဲတက်နိုင်ခဲ့ပြီဖြစ်ပါတယ်။
မန်စီးတီးအသင်းဟာ ဒီပွဲမှာ ရီးရယ်လ်အသင်းကို အသာစီးနဲ့ ကစားနိုင်ခဲ့တာဖြစ်ပြီး ဂိုးပေါက်ကန်သွင်းမှုရော၊ ဂိုးပေါက်တည့်မှုအပိုင်းမှာပါ သာလွန်ခဲ့တာဖြစ်ပါတယ်။
မန်စီးတီးအသင်းဟာ ပြီးခဲ့တဲ့နှစ် ဆီမီးဖိုင်နယ်မှာ ရီးရယ်လ်အသင်းကို ရှုံးခဲ့တဲ့ ရှုံးကြွေးကို ပြန်ဆပ်နိုင်ခဲ့ပြီး ဒီရာသီ ဆုဖလား ၃ လုံးအိပ်မက်ကို အသက်သွင်းဖို့ ဗိုလ်လုပွဲချီတက်နိုင်ခဲ့တာပါ။
ဗိုလ်လုပွဲမှာ အေစီမီလန်ကို အနိုင်ရခဲ့တဲ့ အင်တာမီလန်အသင်းနဲ့ ယှဉ်ပြိုင်ရမှာဖြစ်ပါတယ်။
