ချန်ပီယံလိဂ်ဆီမီးဖိုင်နယ် ပထမအကျော့ပွဲစဉ်အဖြစ် အေစီမီလန်နဲ့ အင်တာမီလန်အသင်းတို့ မီလန်ဒါဘီပွဲစဉ်အဖြစ် ကစားခဲ့ရာမှာ အင်တာမီလန်အသင်းက ၂ ဂိုး- ဂိုးမရှိနဲ့ အနိုင်ရရှိသွားခဲ့ပါတယ်။
ဒီပွဲမှာ အင်တာမီလန်အသင်းဟာ ပွဲကစားချိန်အစောပိုင်းတွေဖြစ်တဲ့ ပွဲချိန် ၈ မိနစ်မှာ ဂျက်ကိုနဲ့ ပွဲချိန် ၁၁ မိနစ်မှာ မီခီတာရန်းက အနိုင်ဂိုးသွင်းယူပေးခဲ့တာပါ။ရာဖေးလီယိုမပါဝင်နိုင်ခဲ့တဲ့ အေစီမီလန်တိုက်စစ်ဟာ ဒီပွဲမှာ အင်တာမီလန်အသင်းဘက်ကို တိုက်စစ်ဆင်ဖို့ ခက်ခဲခဲ့တာဖြစ်ပါတယ်။
ကယ်လ်ဟန်နိုဂလူးကန်သွင်းချက်တိုင်ထိတာနဲ့ ပင်နယ်တီဆုံးဖြတ်ချက်ကို ပြန်ပြောင်းခဲ့တာတွေကြောင့် အေစီမီလန်အသင်းဟာ ဒီထက်ဂိုးပြတ်ပြီး အရေးမနိမ့်ခဲတာပါ။ဒါပေမယ့် ဒုတိယအကျော့လည်း ဆန်စီရိုမှာပဲ ကစားမှာဖြစ်တာကြောင့် အင်တာမီလန်အတွက်တော့ ဗိုလ်လုပွဲတက်နိုင်ဖို့အခြေအနေကောင်းသွားခဲ့တာဖြစ်ပါတယ်။
အင်တာမီလန်အသင်းဟာ နောက်ဆုံးကစားခဲ့တဲ့ ၃ ပွဲစလုံး အေစီမီလန်အသင်းကို ဂိုးမပေးဘဲ နိုင်ပွဲရယူနိုင်ခဲ့တာဖြစ်ပြီး ဒါဟာ ၁၉၇၉-၈၀ နောက်ပိုင်း ပထမဆုံးအကြိမ်ဖြစ်ခဲ့တယ်လို့ မှတ်တမ်းဝင်ခဲ့တာပါ။
လာမယ့်အပတ်မှာ ကစားမယ့် ဒုတိယအကျော့ပွဲမှာတော့ အေစီမီလန်အသင်းအနေနဲ့ အကောင်းဆုံးမပြသနိုင်ရင်တော့ ဆီမီးဖိုင်နယ်အဆင့်နဲ့သာ ကျေနပ်ရဖို့ ရှိလာတာဖြစ်ပါတယ်။