အင်တာမီလန်ကွင်းလယ်လူ ချာဟန်နိုဂလူးက သူတို့ဟာ ချန်ပီယံလိဂ်ဗိုလ်လုပွဲမှာ ရင်ဆိုင်ရမယ့် မန်စီးတီးအသင်းရဲ့ကစားပုံကို ဖျက်ဆီးပစ်မယ်လို့ ပြောလိုက်ပါတယ်။
မန်စီးတီးနဲ့ အင်တာမီလန်အသင်းတို့ဟာ မနက်ဖြန်မနက်ပိုင်းမှာ ချန်ပီယံလိဂ်ဗိုလ်လုပွဲအဖြစ် ယှဉ်ပြိုင်ရမှာဖြစ်ပြီး မန်စီးတီးအသင်းက ဗိုလ်စွဲဖို့ ရေပန်းအစားဆုံးဖြစ်နေပါတယ်။မန်စီးတီးအသင်းဟာ လက်ရှိအချိန်မှာ ဆုဖလား ၂ လုံးရရှိထားပြီး ချန်ပီယံလိဂ်ဖလားကို ရယူနိုင်ခဲ့မယ်ဆိုရင် တစ်ရာသီအတွင်းဆုဖလား ၃လုံးရယူနိုင်မှာပါ။
ဒါပေမယ့် အင်တာမီလန်ကွင်းလယ်ကစားသမားက သူတို့ဟာ မန်စီးတီးအသင်းရဲ့ပွဲကစားပုံတွေကို ဖျက်ဆီးသွားမယ်လို့ ပြောခဲ့ပါတယ်။
ချာဟန်နိုဂလူးက “ကျွန်တော်ဟာ ခွဲခြမ်းစိတ်ဖြာမှုတွေလုပ်ခဲ့ပြီး ကျွန်တော်တို့ရဲ့ကိုယ်ပိုင်ပွဲကို ကစားဖို့ အရေးကြီးပါတယ်။အကြောက်အလန့်မရှိကစားတာက ကျွန်တော်တို့ အတွက်အရေးကြီးပါတယ်။ကျွန်တော်တို့ဟာ ပွဲကို လွှမ်းမိုးပြီး ပွဲရဲ့အစီအစဉ်ကို ဖျက်ဆီးနိုင်မယ်လို့ မျှော်လင့်ပါတယ်”
“ဒါဟာ အလွန်ကောင်းမွန်တဲ့ ပွဲဖြစ်လာမှာပါ။ဒီအခိုက်အတန့်ကို အပြည့်အခံစားချင်ပါတယ်။ကျွန်တော်တို့ အကောင်းဆုံးလုပ်ဆောင်သွားမယ်”လို့ပြောခဲ့ပါတယ်။
