အခုအပြောင်းအရွှေ့မှာ ယူနိုက်တက်အသင်းကနေ အငှားနဲ့ ရောက်ရှိလာခဲ့တဲ့ ဆန်ချိုဟာ အသင်းဟောင်း ဒေ့ါမွန်အသင်းအတွက် ပြန်ကစားပေးနိုင်ခဲ့တဲ့ ပထမဆုံးပွဲစဉ်မှာတင် ဂိုးဖန်တီးမှုပြုလုပ်နိုင်ခဲ့တာဖြစ်ပါတယ်။
ဒေါ့မွန်အသင်းက ဒမ်စတက်အသင်းကို ၃ ဂိုး- ဂိုးမရှိနဲ့ အနိုင်ရခဲ့တဲ့ ဘွန်ဒစ်လီဂါပွဲစဉ်မှာ ဆန်ချိုဟာ ဒုတိယပိုင်းရောက်မှ လူစားဝင်ကစားသမားအဖြစ် ဝင်ရောက်လာပြီး အသင်းဖော် မာကိုရူးစ်သွင်းယူတဲ့ ဂိုးကို ဖန်တီးပေးနိုင်ခဲ့တာပါ။ဆန်ချိုဟာ သြဂုတ်လ ၂၆ ရက်ကတည်းက ပွဲတွေနဲ့ ဝေးကွာနေပေမယ့် ဒေါ့မွန်အသင်းကို အရောက်မှာ အကောင်းဆုံးလုပ်ပြနိုင်ခဲ့တာဖြစ်ပါတယ်။
ဆန်ချိုက “ကျနော်ဟာ ဒီကိုပြန်ရောက်ကတည်းက အိမ်ကိုရောက်နေတယ်လို့ ခံစားရပြီး ကွင်းထဲမှာ ပြန်ကစားရတာဟာ အလွန်ကောင်းမွန်ခဲ့ပါတယ်။အသင်းကိုထိပ်ဆုံး ၃ သင်းထဲဝင်ရောက်ဖို့နဲ့ ချန်ပီယံလိဂ်ဝင်ခွင့်ရအောင် ကူညီပေးချင်ပါတယ်။တစ်ပွဲပြီးတစ်ပွဲသွားပြီး ပွဲတိုင်းကို တိုက်ပွဲဝင်သွားမှာပါ”လို့ ဆိုခဲ့ပါတယ်။
ဒေါ့မွန်အသင်းဟာ ဒီနိုင်ပွဲကြောင့် အဆင့် ၄ နေရာက လိုက်ပ်ဇစ်အသင်းနဲ့ ၃ မှတ်အကွာ အဆင့် ၅ နေရာမှာ ရပ်တည်နေတာဖြစ်ပါတယ်။