ဘိုင်ယန်မြူးနစ်အသင်းက မိုချန်ဂလာဘတ်အသင်းကို ၃ ဂိုး-၁ ဂိုးနဲ့အနိုင်ရခဲ့တဲ့ ဘွန်ဒစ်လီဂါပွဲစဉ်မှာ ဝါရင့်တိုက်စစ်ကစားသမား သောမတ်စ်မူလာဟာ သမိုင်းမှတ်တိုင်တစ်ခုကို စိုက်ထူနိုင်ခဲ့ပါတယ်။
ကစားသမားဘဝတစ်လျှောက်လုံး ဘိုင်ယန်မြူးနစ်အသင်းတစ်သင်းတည်းမှာသာ ကစားထားတဲ့ သောမတ်စ်မူလာဟာ ဒီရာစုနှစ်ထဲမှာ နိုင်ပွဲ ၅၀၀ ပြည့်တဲ့ ပထမဆုံး ဘိုင်ယန်မြူးနစ်အသင်းကစားသမားအဖြစ် မှတ်တမ်းဝင်ခဲ့ပါတယ်။သောမတ်မူလာဟာ ၂၀၀၈ ခုနှစ်ကတည်းက လူငယ်ကစားသမားအဖြစ် ဘိုင်ယန်မြူးနစ်အသင်းမှာ ရှိခဲ့တာပါ။
အခုဆိုရင် သောမတ်မူလာဟာ ဘိုင်ယန်မြူးနစ်အသင်းကြီးအတွက် ပွဲပေါင်း ၆၉၀ ပါဝင်ကစားအပြီးမှာ နိုင်ပွဲ ၅၀၀ ရယူနိုင်ခဲ့တာဖြစ်ပါတယ်။ဂျာမနီဝါရင့်ကစားသမားဟာ ဘိုင်ယန်မြူးနစ်အသင်းအတွက် ၂၃၇ ဂိုးသွင်းယူထားပြီး အသင်းနဲ့အတူ ဆုဖလားအောင်မြင်မှုအများအပြားရယူနိုင်ခဲ့တာပါ။
သောမတ်စ်မူလာနဲ့ ဘိုင်ယန်မြူးနစ်အသင်းတို့ဟာ မကြာသေးခင်ကမှ စာချုပ်သက်တမ်း ၁ နှစ်တိုးခဲ့တာကြောင့် သူဟာ ၂၀၂၅ ခုနှစ် ဇွန်လအထိ ဘိုင်ယန်မြူးနစ်အသင်းမှာ ဆက်ပြီးရှိနေတော့မှာဖြစ်ပါတယ်။