မက်ဆီဟာ ပီအက်စ်ဂျီအသင်းက နန့်တက်စ်အသင်းကို ၄ ဂိုး- ၂ ဂိုးနဲ့အနိုင်ရခဲ့တဲ့ပွဲမှာ ၁ ဂိုးသွင်းယူပြီးနောက် ကလပ်ကစားသမားဘ၀ ဂိုးပါဝင်ပတ်သက်မှု ၁၀၀၀ ပြည့်သွားခဲ့တာဖြစ်ပါတယ်။
မက်ဆီဟာ ကလပ်ကစားသမားဘဝသွင်းဂိုး ၇၀၁ ဂိုးနဲ့ ဂိုးဖန်တီးမှု ၂၉၉ ဂိုးရှိခဲ့တာပါ။အဲ့ဒါကြောင့် မက်ဆီဟာ ဂိုးပါဝင်ပတ်သက်မှု ၁၀၀၀ ပြည့်သွားခဲ့တဲ့ သမိုင်းမှတ်တိုင်တစ်ခုကို စိုက်ထူနိုင်ခဲ့တာဖြစ်ပါတယ်။
မက်ဆီဟာ ဒီရာသီမှာ ပီအက်စ်ဂျီအတွက် ၂၉ ပွဲကစားအပြီးမှာ ၁၈ ဂိုးသွင်းယူထားတာဖြစ်ပါတယ်။နန့်တက်စ်နဲ့ ပွဲမှာ သွင်းယူခဲ့တဲ့ဂိုးကြောင့် မက်ဆီဟာ စီနီယာကစားသမားဘဝသွင်းဂိုး ၇၉၉ ဂိုးအထိရှိသွားခဲ့တာပါ။
အဲ့ဒါကြောင့် မက်ဆီဟာ နောက်ထပ်တစ်ဂိုးသွင်းယူနိုင်ခဲ့ရင် သွင်းဂိုး ၈၀၀ နဲ့ စံချိန်တစ်ခုကိုလည်း ရယူနိုင်ဖို့ရှိနေတာဖြစ်ပါတယ်။
မက်ဆီဟာ လက်ရှိပြသနေတဲ့ ခြေစွမ်းတွေကြောင့် မကြာသေးခင်က ချီးမြှင့်ခဲ့တဲ့ ဖီဖာဆုပေးပွဲမှာ အကောင်းဆုံးအမျိုးသားကစားသမားဆုကို ရယူနိုင်ခဲ့တာပါ။ဒါ့အပြင် ဘောလွန်းဒီအောဆုရဖို့အတွက်လည်း တစ်ပေးခြင်းခံနေရတာဖြစ်ပါတယ်။
ပီအက်စ်ဂျီအသင်းဟာ ဘိုင်ယန်မြူးနစ်အသင်းနဲ့ ချန်ပီယံလိဂ်အရေးကြီးပွဲကစားရမှာဖြစ်တာကြောင့် မက်ဆီအနေနဲ့ အသင်းကို နောက်တစ်ဆင့်တက်နိုင်အောင် ကူညီပေးနိုင်မလားဆိုတာ စောင့်ကြည့်ရမှာလည်းဖြစ်ပါတယ်။