စူပါလိဂ်ကိစ္စအတွက် ရီးရဲလ်ဥက္ကဌ ပီရက်ဇ်ကို ဘာကာနောက်ခံလူဟောင်း ပီကေး လှောင်ပြောင်
ကစားသမားဘဝကနေ အနားယူသွားပြီဖြစ်တဲ့ ဘာစီလိုနာနောက်ခံလူဟောင်း ပီကေးက စူပါလိဂ်ပြိုင်ပွဲကို စီစဥ်နေတဲ့ ရီးရဲလ်မက်ဒရစ်ဥက္ကဌ ဖလော်ရန်တီနိုပီရက်ဇ်ကို ဝေဖန်ပြောကြားလိုက်ပါတယ်။ ပီရက်ဇ်အပါအဝင် နာမည်ကျော်အသင်းတွေရဲ့ ဥက္ကဌ အများစုဟာ ဝင်ငွေတိုးတက်လာဖို့နဲ့ ပရိသတ်တွေကို ပိုမိုဆွဲဆောင်နိုင်ဖို့အတွက် စူပါလိဂ်ကို အစပြုဖို့ ဆန္ဒပြင်းပြနေကြတာပါ။ ပြီးခဲ့တဲ့နှစ်အတွင်း ဒီအစီအစဥ်က ပျက်စီးတော့မလိုဖြစ်ခဲ့ပေမယ့် လက်ရှိအချိန်မှာတော့ ပီရက်ဇ်ဦးဆောင်တဲ့ ထိပ်သီး အသင်းပိုင်ရှင်တွေက ဒီအစီအစဥ်ကို ပြန်လည်အသက်သွင်းဖို့ ပြင်ဆင်နေကြပါတယ်။ ဒါပေမယ့် ဒီလိုမျိုး လုပ်ရပ်အပေါ် ဝေဖန်မှုတွေရှိနေပါတယ်။ ဘာစီလိုနာနောက်ခံလူ ပီကေးကလည်း “မီလန်မြို့သားတွေက ဘောလုံးပွဲတွေကို ချစ်တာ မှန်ပေမယ့် တပွဲလုံးကြည့်ကြတဲ့လူမျိုး မဟုတ်ပါဘူး။ ပီရက်ဇ်က စူပါလိဂ်အကြောင်းပြောတဲ့အခါ လူတွေက မတူညီတဲ့ အရာတွေနဲ့ တုံ့ပြန်မှာပါ” “ကျနော် ဒါကို သဘောတူပါတယ်။ ဒါပေမယ့် စူပါလိဂ်ကတော့ ဖြေရှင်းနည်းမဖြစ်နိုင်ပါဘူး။ မတူကွဲပြားတဲ့အရာတခုပါ။ စူပါလိဂ်အနေအထားက […]