မာရက်ဇ်ကို ပင်နယ်တီထပ်ကန်ခွင့်ပေးမှာ မဟုတ်ဘူးလို့ ဂွါဒီယိုလာ အတည်ပြု
မန်စီးတီးနည်းပြ ဂွါဒီယိုလာက လာမယ့်ပွဲတွေမှာ အသင်းရဲ့ ပင်နယ်တီတာဝန်ကို မာရက်ဇ် ဆက်လက်တာဝန်ယူခွင့်ရမှာ မဟုတ်ကြောင်း ဖွင့်ဟပြောကြားခဲ့ပါတယ်။ မနေ့ညက ကစားခဲ့တဲ့ ဒေါ့မွန်နဲ့ ချန်ပီယံလိဂ် အုပ်စုပွဲမှာ မန်စီးတီးတို့ ပင်နယ်တီရရှိခဲ့ပြီး ဒီပင်နယ်တီကို မာရက်ဇ်က ဝင်အောင် ကန်သွင်းနိုင်ခဲ့ခြင်းမရှိပါဘူး။ ဒါဟာ မာရက်ဇ်အတွက်တော့ ချန်ပီယံလိဂ်နောက်ဆုံးနှစ်ပွဲဆက်တိုက် ပင်နယ်တီ မဝင်ခဲ့တာဖြစ်ပါတယ်။ ကိုပင်ဟေဂင်နဲ့ ကစားခဲ့တဲ့ ချန်ပီယံလိဂ် အဝေးကွင်းပွဲမှာလည်း မန်စီးတီးတို့ ပင်နယ်တီရခဲ့ပေမယ့် ဒီပင်နယ်တီကို မာရက်ဇ်ကပဲ ဂိုးဝင်အောင် မကန်သွင်းနိုင်ခဲ့တာပါ။ ဟာလန်း ကွင်းထဲမှာရှိနေပေမယ့် မာရက်ဇ်ကို ပင်နယ်တီပေးကန်ခဲ့တဲ့အပေါ် ဝေဖန်မှုတွေလည်းရှိနေပါတယ်။ ပြီးခဲ့တဲ့ စနေညက ကစားခဲ့တဲ့ ပရီးမီးယားလိဂ်ပွဲစဥ်မှာ မန်စီးတီးတို့ ပင်နယ်တီရခဲ့ချိန်က ဟာလန်းက ဂိုးဝင်အောင် ကန်သွင်းနိုင်ခဲ့ပါတယ်။ ဂွါဒီယိုလာကလည်း “ပင်နယ်တီကန်ဖို့ ရဲရင့်ပြီး စိတ်အားထက်သန်တဲ့သူတွေကို ကျနော် လေးစားပါတယ်။ […]