အက်စတွန်ဗီလာအသင်းဟာ ဘန်လေအသင်းကို အနိုင်ရပြီး ပရီးမီးယားလိဂ်ထိပ်ဆုံးနေရာမှာ ရပ်တည်နေတဲ့ လီဗာပူးလ်အသင်းနဲ့ ရမှတ်တူ အဆင့် ၂ နေရာမှာရပ်တည်ကာ ၂၀၂၃ ကို အဆုံးသတ်နိုင်ခဲ့တာဖြစ်ပါတယ်။
အက်စတွန်ဗီလာအသင်းဟာ ဒီရာသီမှာ အလွန်ကောင်းမွန်တဲ့ စွမ်းဆောင်ရည်တွေကို ပြသထားပေမယ့် နည်းပြ အူနှိုင်းအမ်မရီကတော့ အသင်းဟာ အခုထက်ပိုမိုကောင်းမွန်အောင် လုပ်နိုင်တယ်ဆိုတာ ယုံကြည်မှုရှိနေတာပါ။အက်စတွန်ဗီလာအသင်းဟာ ၂၀၂၃ ခုနှစ်အတွင်း အိမ်ကွင်းပွဲစဉ်တွေမှာ မန်စီးတီးအသင်းထက်တောင် ရမှတ်ပိုပြီးစုဆောင်းထားနိုင်ခဲ့ပါတယ်။
အူနှိုင်းအမ်မရီက “ကျနော်တို့မှာ ကောင်းမွန်တဲ့ကစားသမားတွေရှိပြီး ကြိုးကြိုးစားစားလုပ်မယ်ဆိုရင် ကျနော်တို့ကိုယ်တိုင်ချမှတ်ထားတဲ့ အိပ်မက်တွေနဲ့ ရည်မှန်းချက်တွေဟာ အောင်မြင်နိုင်မှာပါ။ကျနော်တို့ရဲ့အတွေးအခေါ်တွေက အမြဲတမ်းတိုးတက်နေပါတယ်”
“ဒီနှစ်ဟာ ကျနော်တို့အတွက်တကယ်ကို အံ့သြစရာကောင်းတဲ့နှစ်ဖြစ်ခဲ့ပေမယ့် လာမယ့်နှစ်အတွက် အလွန်စိတ်လှုပ်ရှားနေပါတယ်။ကျနော်တို့ဟာ ထိပ်ဆုံး ၄ သင်းထဲဝင်ရောက်ဖို့ ကြီးမားတဲ့ပြိုင်ဘက်မဟုတ်ပေမယ့် ပွဲစဉ် ၃၀ ဒါမှမဟုတ် ၃၂ မှာ ဒီနေရာအတိုင်းဆက်ပြီးရှိနေမယ်ဆိုရင်တော့ ဒါဟာ ကျနော်တို့အတွက် အခွင့်အရေးတွေဖြစ်လာမှာပါ”လို့ ဆိုခဲ့ပါတယ်။
အက်စတွန်ဗီလာအသင်းဟာ လာမယ့်အပတ်မှာ FA ဖလားပွဲစဉ်အဖြစ် မယ်ဒယ်ဘရော့အသင်းနဲ့ ယှဉ်ပြိုင်ရမှာဖြစ်ပါတယ်။