ယူနိုက်တက်အသင်းဟာ မနေ့က ကစားခဲ့တဲ့ ပရီးမီးယားလိဂ်ပွဲစဉ်မှာ နော်တင်ဟမ်ဖောရက်စ်အသင်းကို ၂ ဂိုး-၁ ဂိုးနဲ့ အရေးနိမ့်ခဲ့ပြီးနောက် နည်းပြ အဲရစ်တန်က သူဟာ ယူနိုက်တက်အသင်းကို ဦးဆောင်ဖို့ မှန်ကန်တဲ့သူလို့ပြောခဲ့ပါတယ်။
မန်ယူနိုက်တက်အသင်းဟာ ဒီရှုံးပွဲကြောင့် ဒီရာသီ ပရီးမီးယားလိဂ်ပြိုင်ပွဲမှာ ရှုံးပွဲ ၉ ပွဲအထိ ကြုံတွေ့ထားခဲ့ပြီး ပြိုင်ပွဲအားလုံးမှာ ရှုံးပွဲက ၁၄ ပွဲအထိရှိသွားခဲ့တာပါ။ယူနိုက်တက်အသင်းအတွက်တော့ ဒီရှုံးပွဲကြောင့် အဆင့် ၄ နေရာမှာ ရပ်တည်နေတဲ့ အာဆင်နယ်အသင်းနဲ့ ၉ မှတ်ကွာဟသွားခဲ့ပြီး လာမယ့်ရာသီ ချန်ပီယံလိဂ်ဝင်ခွင့်ရဖို့ အခက်တွေ့သွားပြီဖြစ်ပါတယ်။
အဲရစ်တန်ဟတ်ကတော့ ယူနိုက်တက်အသင်းကို ရလဒ်ကောင်းတွေရရှိအောင် ဦးဆောင်နိုင်မယ်လို့ ယုံကြည်မှုတွေရှိနေသေးတာပါ။အဲရစ်တန်ဟတ်က “ကျနော်တို့ဟာ ထိပ်တန်းအသင်းတွေနဲ့ ရင်ဆိုင်နိုင်တယ်ဆိုတာ ထိပ်တိုက်တွေ့ဆုံမှုတွေမှာ ပြသပြီးသားပါ။ကျနော်ကတော့ အသင်းဟာ တိုးတက်မှုတွေရှိလာနိုင်မယ်ဆိုတဲ့ ယုံကြည်မှုရှိပါတယ်”
“ကျနော်တို့ဟာ မနှစ်က စွမ်းဆောင်ရည်ကောင်းခဲ့ပေမယ့် ဒီနှစ်မှာတော့ စွမ်းဆောင်ရည်ကျဆင်းခဲ့ပြီး ပိုကောင်းအောင်လုပ်ရမှာပါ။ကျနော်ဟာ ဒီလုပ်ငန်းစဉ်ကို ဦးဆောင်ရမှာပါ။ဒဏ်ရာရနေတဲ့ ကစားသမားတွေပြန်ကောင်းလာရင် အသင်းဟာ ပိုပြီးအားကောင်းလာမယ်ဆိုတာ ကျနော်သိတယ်”လို့ ဆိုခဲ့ပါတယ်။