ဝက်စ်ဟမ်းအသင်းကို အရေးနိမ့်ပြီးနောက် ယူနိုက်တက်ကစားသမားတွေအနေနဲ့ ကိုယ့်ကိုကိုယ်ယုံကြည်မှုရှိကြောင်း ပြသဖို့ နည်းပြ အဲရစ်တန်ဟတ်က တိုက်တွန်းလိုက်ပါတယ်။
ယူနိက်တက်အသင်းဟာ ဒီရှုံးပွဲကြောင့် နောက်ဆုံး ၄ ပွဲဆက်တိုက် နိုင်ပွဲလည်းပျောက်ဆုံး၊ ဂိုးလည်းမသွင်းနိုင်ဖြစ်နေပြီး အဆိုးရွားဆုံးစံချိန်တွေကို ပိုင်ဆိုင်နေခဲ့တာဖြစ်ပါတယ်။ယူနိုက်တက်အသင်းဟာ ဒီပွဲမှာ ဂိုးရနိုင်မယ့် အခွင့်အရေးတွေရခဲ့ပေမယ့် အသုံးမချနိုင်ခဲ့တာကလည်း အသင်းအတွက် နိုင်ပွဲနဲ့ ဝေးကွာစေခဲ့တာပါ။
အဲရစ်တန်ဟတ်က “ကျနော်တို့ဟာ ဂိုးမသွင်းနိုင်ရင်တောင် အသင်းရဲ့ဇာတ်ကောင်စရိုက်၊ ကိုယ်ရည်ကိုယ်သွေးတွေကို ပြသရမှာဖြစ်ပြီး ပြန်လည်တိုက်ပွဲဝင်ရမှာပါ။ကျနော်တို့ဟာ ဒီပွဲမှာ ပွဲကို ထိန်းချုပ်နိုင်ခဲ့ပြီး ဝက်စ်ဟမ်းကို ဘာအခွင့်အရေးမှ ပေးခဲ့တယ်လို့ မထင်ပါဘူး။ကျနော်တို့ ကောင်းမွန်တဲ့ အခွင့်အရေး ၃ ခုရခဲ့ပေမယ့် ဂိုးမရခဲ့ပါဘူး။ကျနော်တို့ ပွဲကို ရှုံးနိမ့်ခဲ့ပေမယ့် စွမ်းဆောင်ရည်ကိုတော့ မြင်နေရတယ်လို့”ထင်ကြောင်းဆိုခဲ့ပါတယ်။
ယူနိုက်တက်အသင်းဟာ ဒီရှုံးပွဲကြောင့် ၁၉၃၀-၃၁ နောက်ပိုင်း ပထမဆုံးအကြိမ် ခရစ္စမတ်မတိုင်ခင် ပြိုင်ပွဲစုံ ၁၃ ပွဲအရေးနိမ့်ခဲ့တာဖြစ်ပြီး အသင်းအတွက် ဆိုးရွားနေခဲ့တာပါ။ယူနိုက်တက်အသင်းဟာ လာမယ့်ကြားရက်မှာ အက်စတွန်ဗီလာအသင်းနဲ့ ပရီးမီးယားလိဂ်ပွဲစဉ်ယှဉ်ပြိုင်ရမှာဖြစ်ပါတယ်။
