အာဆင်နယ်အသင်းဟာ မနေ့က ကစားခဲ့တဲ့ ပရီးမီးယားလိဂ်ပွဲစဉ်မှာ လီဗာပူးလ်အသင်းနဲ့ ၁ ဂိုးစီသရေကျသွားခဲ့ပါတယ်။ဒီပွဲမှာ အာဆင်နယ်အသင်းက ဦးဆောင်ဂိုးစတင်ရရှိခဲ့တာဖြစ်ပြီး ဂါဘရီရယ်လ်က သွင်းယူခဲ့တာပါ။
လီဗာပူးလ်အသင်းအတွက်ချေပဂိုးကို ဆာလက်ကသွင်းယူခဲ့တာဖြစ်ပါတယ်။ဒီပွဲမှာ ၂ သင်းစလုံးဟာ ဂိုးပေါက်ကန်သွင်းမှုတွေ အများကြီးပြုလုပ်ခဲ့ပေမယ့် ထိရောက်တဲ့ ဂိုးပေါက်ကန်သွင်းမှုတွေတော့ နည်းပါးခဲ့တာကြောင့် နိုင်ပွဲနဲ့ဝေးခဲ့တာပါ။အာဆင်နယ်အသင်းကတော့ ဒီပွဲမှာ သရေရလဒ်ရယူနိုင်ခဲ့တာကြောင့် ခရစ္စမတ်ကာလ ပရီးမီးယားလိဂ်အမှတ်ပေးဇယားကို ၁ မှတ်အသာနဲ့ ဦးဆောင်နိုင်ခဲ့တာဖြစ်ပါတယ်။
လီဗာပူးလ်နဲ့ အက်စတွန်ဗီလာအသင်းတို့ကတော့ ဒုတိယနဲ့ တတိယနေရာတွေမှာ ရပ်တည်နေခဲ့တာပါ။လီဗာပူးလ်အသင်းနည်းပြ ကလောပ့်နဲ့ အာဆင်နယ်အသင်းနည်းပြ အာတီတာတို့က ဒီပွဲဟာ တကယ်ကိုကောင်းမွန်တဲ့ ပွဲဖြစ်ခဲ့ပြီး သရေရလဒ်က မျှတတယ်လို့ ပွဲအပြီး မှတ်ချက်ပေးခဲ့တာဖြစ်ပါတယ်။
လာမယ့်ကြားရက်မှာပရီးမီးယားလိဂ်ပွဲစဉ်အဖြစ် လီဗာပူးလ်အသင်းက ဘန်လေ၊ အာဆင်နယ်အသင်းက ဝက်စ်ဟမ်းအသင်းနဲ့ ယှဉ်ပြိုင်ရမှာဖြစ်ပါတယ်။
