ပရီးမီးယားလိဂ်ပွဲစဉ် ၁၈ ပွဲစဉ်တစ်ပွဲအဖြစ် ဝက်စ်ဟမ်းနဲ့ ယူနိုက်တက်အသင်းတို့ ကစားခဲ့ရာမှာ ဝက်စ်ဟမ်းအသင်းက ၂ ဂိုး- ဂိုးမရှိနဲ့ အနိုင်ရရှိသွားခဲ့ပါတယ်။
ဝက်စ်ဟမ်းအသင်းအတွက်ဂိုးတွေကို ဒုတိယပိုင်းမှာ ဘိုဝင်နဲ့ ကူဒက်စ်တို့က သွင်းယူခဲ့တာပါ။ဒီပွဲစဉ်ရဲ့ပထမပိုင်းမှာ ယူနိုက်တက်အသင်းဟာ ဂိုးရနိုင်မယ့် အခွင့်အရေးတွေရခဲ့ပေမယ့် ဂါနာချိုအသုံးမချနိုင်ခဲ့တာကြောင့် နစ်နာခဲ့ရတာဖြစ်ပါတယ်။ဒုတိယပိုင်းမှာတော့ ယူနိုက်တက်အသင်းဟာ ဝက်စ်ဟမ်းအသင်းဘက်ကို ဖိအားပေးမှုနည်းသွားခဲ့ပြီး ဝက်စ်ဟမ်းအသင်းရဲ့ဖိအားပေးမှုတွေပဲ ကြုံတွေ့ခဲ့ရတာပါ။
အဲ့ဒါကြောင့်လည်း ဘိုဝင်က ဦးဆောင်ဂိုးသွင်းပြီး သိပ်မကြာခင်မှာ ကိုဘီမိုင်နူးရဲ့အမှားကနေ ကူဒက်စ်က ဝက်စ်ဟမ်းအသင်းအတွက်နောက်ထပ်ဂိုးသွင်းယူပေးခဲ့တာဖြစ်ပါတယ်။ယူနိုက်တက်အသင်းကတော့ ဒီရှုံးပွဲကြောင့် ပြိုင်ပွဲစုံ ၄ ပွဲဆက်တိုက်ဂိုးလည်းမသွင်းနိုင်၊ နိုင်ပွဲလည်းပျောက်ဆုံးခဲ့တာပါ။
ဝက်စ်ဟမ်းအသင်းဟာ ဒီနိုင်ပွဲကြောင့် အဆင့် ၆ နေရာတက်နိုင်ခဲ့ပြီး ယူနိုက်တက်အသင်းက အဆင့် ၈ နေရာအထိ ရောက်ရှိသွားခဲ့ပါတယ်။