လီဗာပူးလ်အသင်းတိုက်စစ်မှူး ဒါဝင်နူနက်ဇ်ဟာ လီဗာပူးလ်အသင်းက ဘုန်းမောက်အသင်းကို ၄ ဂိုး- ဂိုးမရှိနဲ့ အနိုင်ရခဲ့တဲ့ ပရီးမီးယားလိဂ်ပွဲစဉ်မှာ ခြေစွမ်းပြသနိုင်ခဲ့ပြီး စံချိန်ပါတင်နိုင်ခဲ့တာဖြစ်ပါတယ်။
ဒါဝင်နူးနက်ဇ်ဟာ ဒီပွဲမှာ လီဗာပူးလ်အသင်းအတွက် ၂ ဂိုးသွင်းယူပြီးနောက် ဒီရာသီ ပြိုင်ပွဲစုံ ၁၀ ဂိုးသွင်းယူထားပြီး ၁၀ ဂိုးဖန်တီးမှုပြုလုပ်ထားနိုင်တဲ့ ပထမဆုံးပရီးမီးယားလိဂ်ကစားသမားဖြစ်လာခဲ့တာပါ။ဒါ့အပြင် ဒါဝင်နူးနက်ဇ်ဟာ ဒီပွဲမှာ သွင်းယူခဲ့တဲ့ဂိုးကြောင့် ကစားသမားဘဝသွင်းဂိုး ၁၀၀ ပြည့်မြောက်သွားခဲ့ပါတယ်။
ဒါဝင်နူးနက်ဇ်ဟာ ဒီသွင်းဂိုး ၁၀၀ ကို ဘင်ဖီကာအသင်းမှာ ၄၈ ဂိုး၊ လီဗာပူးလ်မှာ ၂၄ ဂိုး၊ အယ်လ်မာရီယာမှာ ၁၆ ဂိုး၊ ဥရုဂွေးမှာ ၈ ဂိုးနဲ့ ပီနယ်လ်ရိုးမှာ ၄ ဂိုးသွင်းယူထားတာပါ။ဒါဝင်နူးနက်ဇ်ဟာ လီဗာပူးလ်အသင်းမှာ ခြေစွမ်းမပြနိုင်လို့ ဝေဖန်မှုတွေခံနေရပေမယ့် အကောင်းဆုံးခြေစွမ်းတွေနဲ့ ပြန်တုံ့ပြန်ခဲ့တာဖြစ်ပါတယ်။
လီဗာပူးလ်အသင်းဟာ ဘုန်းမောက်အသင်းကို အနိုင်ရခဲ့တာကြောင့် ဒုတိယနေရာက မန်စီးတီးအသင်းထက် ၁ ပွဲပိုကစားထားပြီး ၅ မှတ်အသာနဲ့ အမှတ်ပေးဇယားကို ဦးဆောင်ထားတာဖြစ်ပါတယ်။