မန်စီးတီးအသင်းတိုက်စစ်မှူးဟောင်း အဂူရိုက ယူနိုက်တက်အသင်းဟာ ဒီရာသီ ပရီးမီးယားလိဂ်ချန်ပီယံဆုကို စိန်ခေါ်နိုင်မယ့် အသင်းဖြစ်ရှိနေတယ်လို့ ပြောလိုက်ပါတယ်။
ယူနိုက်တက်အသင်းဟာ ဒီရာသီမှာ ရလဒ်တွေဆိုးနေပေမယ့် အဂူရိုကတော့ ဒီအသင်းဟာ ထိပ်ဆုံးအဆင့်အတွက် ယှဉ်ပြိုင်နိုင်မယ်လို့ ပြောခဲ့တာပါ။ယူနိုက်တက်အသင်းဟာ ပြီးခဲ့တဲ့နိုဝင်ဘာလက ပရီးမီးယားလိဂ်ပွဲတွေမှာ ရာနှုန်းပြည့်နိုင်ပွဲရခဲ့ပေမယ့် ဒီဇင်ဘာလမှာ ကစားတဲ့ ပွဲတွေမှာတော့ ၁ ပွဲသာအနိုင်ရထားတာဖြစ်ပါတယ်။
အဲ့ဒါကြောင့် ယူနိုက်တက်အသင်းဟာ ထိပ်ဆုံးနေရာက အာဆင်နယ်အသင်းနဲ့ ၁၁ မှတ်အကွာ အဆင့် ၇ နေရာမှာရပ်တည်နေတာပါ။အဂူရိုက “ရာသီတစ်ဝက်တောင်မရောက်သေးတဲ့အချိန်မှာ ယူနိုက်တက်ကို လျှော့တွက်လို့မရပါဘူး။သူတို့ဟာ မန်စီးတီးရဲ့ပရီးမီးယားလိဂ်ဆုဖလားအတွက် အကြီးမားဆုံးခြိမ်းခြောက်မှုအသင်းတွေထဲက တစ်သင်းပါ”လို့ ဆိုခဲ့ပါတယ်။
အာဆင်နယ်အသင်းဟာ ဒီရာသီမှာ အကောင်းဆုံးပုံစံရရှိပြီး အဆင့် ၁ နေရာမှာ ရပ်တည်နေပေမယ့် အဂူရိုကတော့ အာဆင်နယ်အသင်းကို ချန်ပီယံစာရင်းထဲမထည့်ဘဲ သူတို့ရဲ့မြောက်လန်ဒန်ဒါဘီပြိုင်ဘက်ကို စာရင်းထဲ ထည့်သွင်းခဲ့တာဖြစ်ပါတယ်။
အဂူရိုက “ပိုစတီကိုဂလူးလက်အောက်မှာ တိုးတက်နေတဲ့ စပါးအသင်းကို ပရီးမီးယားလိဂ်ဆုအတွက် ပြိုင်ဘက်စာရင်းထဲ ထည့်သွင်းရမှာပါ။ဒီရာသီမှာ အတက်အကျရှိနေတဲ့ နယူးကာဆယ်အသင်းဟာ ချန်ပီယံဆုကို စိန်ခေါ်ဖို့ အမြဲတမ်းတိုက်ပွဲဝင်နေတာကြောင့် အခွင့်အရေးရှိတယ်”လို့ ပြောခဲ့ပါတယ်။