ချယ်လ်ဆီးအသင်းနည်းပြ ပိုချက်တီနိုက နယူးကာဆယ်အသင်းကို ပင်နယ်တီအဆုံးအဖြတ်နဲ့ အနိုင်ရပြီး ကာရာဘောင်းဖလားဆီမီးဖိုင်နယ်တက်နိုင်ခဲ့ပြီးနောက် အသင်းကစားသမားတွေကို ချီးကျူးမှုပြုလုပ်သွားခဲ့ပါတယ်။
ချယ်လ်ဆီးအသင်းဟာ ဒီပွဲစဉ်ရဲ့၁၆ မိနစ်မှာတင် ဝီလ်ဆင်ရဲ့သွင်းဂိုးနဲ့ နယူးကာဆယ်အသင်းရဲ့ဦးဆောင်ခြင်းခံခဲ့ရပေမယ့် ၉၂ မိနစ်မှာ ထရစ်ပီယာရဲ့ဘောလုံးထိန်းသိမ်းပုံမသေသပ်ခဲ့တာကြောင့် မူဒရစ်က ချယ်လ်ဆီးအတွက် ချေပဂိုးသွင်းယူခဲ့တာပါ။အဲ့ဒါကြောင့် ပင်နယ်တီအဆုံးအဖြတ်ခံယူဖို့ ဖြစ်လာခဲ့ရပါတယ်။
ပင်နယ်တီအဆုံးအဖြတ်မှာ ချယ်လ်ဆီးအသင်းက ၄ ဂိုး- ၂ ဂိုးနဲ့ အနိုင်ရပြီး ကာရာဘောင်းဖလား ဆီမီးဖိုင်နယ်တက်နိုင်ခဲ့တာပါ။ချယ်လ်ဆီးအသင်းနည်းပြ ပိုချက်တီနိုက အသင်းအတွက် ကံကောင်းခြင်းတွေရောက်ရှိလာခဲ့ပြီလို့ ပွဲအပြီးမှာ ပြောခဲ့ပါတယ်။
ပိုချက်တီနိုက “ကျနော်တို့ဟာ အမှားကနေ ဂိုးပေးရပြီးနောက်မှာ ပွဲကိုအသာစီးနဲ့ ကစားနိုင်ခဲ့ပါတယ်။တစ်ပွဲလုံးခြုံကြည့်ရင် ကျနော်တို့အတွက် အနိုင်ရလဒ်ထိုက်တန်ပြီး အဆုံးထိယုံကြည်ခဲ့ကြတဲ့ ကစားသမားတွေကို ချီးကျူးချင်ပါတယ်။ဘောလုံးမှာ ကံကောင်းမှုအချို့လိုအပ်ပေမယ့် အမြဲတမ်းကြိုးစားနိုင်မှသာ ကံကောင်းခြင်းတွေက ရောက်ရှိလာတက်ပါတယ်။ဒီအခြေအနေတွေက အံ့မခန်းပါပဲ”လို့ ဆိုခဲ့ပါတယ်။