ယူနိုက်တက်အသင်းနည်းပြ အဲရစ်တန်ဟတ်ဟာ တိုက်စစ်မှူး မာရှယ်ကို ကြံ့ခိုင်မှုပိုင်းကောင်းမွန်အောင် တစ်ဦးတည်းလေ့ကျင့်မှုပြုလုပ်ခိုင်းထားပြီး ကြံ့ခိုင်မှုပိုင်းကောင်းမွန်မှ အသင်းအတွက် ပြန်လည်ရွေးချယ်သွားမယ်လို့ သိရပါတယ်။
မာရှယ်ဟာ ပြီးခဲ့တဲ့ ဘုန်းမောက်အသင်းနဲ့ ပွဲစဉ်ပြီးကတည်းက ယူနိုက်တက်အသင်းအတွက် ပါဝင်ကစားရခြင်းမရှိတော့သလို ဖျားနာခဲ့ပြီးနောက် အသင်းဖော်တွေနဲ့ပါ လေ့ကျင့်မှုမပြုလုပ်ရတော့တာပါ။အဲရစ်တန်ဟတ်ကတော့ မာရှယ်ဟာ ဖျားနာမှုပြန်လာပြီးကတည်းက လုံလောက်တဲ့ ကြံ့ခိုင်မှုမရှိဘူးလို့ ယူဆထားပါတယ်။
အဲ့ဒါကြောင့် နည်းပြ အဲရစ်တန်ဟတ်ဟာ မာရှယ်ကို ကြံ့ခိုင်မှုပိုင်းကောင်းမွန်အောင် တစ်ဦးတည်းလေ့ကျင့်မှုပြုလုပ်ခိုင်းထားတာဖြစ်ပြီး ဒါဟာ စည်းကမ်းပိုင်းဆိုင်ရာကြောင့် မဟုတ်ဘူးလို့ သတင်းမှာ ဖော်ပြထားပါတယ်။ယူနိုက်တက်နဲ့ မာရှယ်တို့ရဲ့စာချုပ်ဟာ အခုရာသီအကုန်မှာ ကုန်ဆုံးတော့မှာဖြစ်ပြီး အသင်းက သူ့ကို စာချုပ်သက်တမ်းတိုးဖို့ မရှိတော့တာပါ။
အဲ့ဒါကြောင့် အခုအပြောင်းအရွှေ့မှာ ယူနိုက်တက်အသင်းဟာ မာရှယ်အတွက် ကမ်းလှမ်းမှုတွေကို နားထောင်သွားမှာဖြစ်ပေမယ့် ကစားသမားကတော့ အသင်းမှာ ပြန်လည်ကစားခွင့်ရဖို့ တိုက်ပွဲဝင်ချင်နေတာဖြစ်ပါတယ်။
