ဘန်လေအသင်းနည်းပြ ကွန်ပနီဟာ ဘန်လေနဲ့ လူတန်အသင်းတို့ ၁ ဂိုးစီသရေကျခဲ့တဲ့ ပရီးမီးယားလိဂ်ပွဲစဉ်မှာ လူတန်အသင်းဘက်ကို အငြင်းပွားဖွယ်နောက်ကျချေပဂိုးပေးခဲ့တဲ့ VAR ရဲ့ဆုံးဖြတ်ချက်ကို အလွန်စိတ်ပျက်နေခဲ့ပါတယ်။
ဒီပွဲမှာ ဘန်လေအသင်းဟာ ပွဲချိန်အစောပိုင်းမှာကတည်းက ဦးဆောင်ဂိုးသွင်းယူထားနိုင်ခဲ့ပြီး လူတန်အသင်းက ၉၂ မိနစ်မှာချေပဂိုးသွင်းယူခဲ့တာပါ။လူတန်အသင်းက ချေပဂိုးသွင်းယူချိန်မှာ ဘန်လေအသင်းဂိုးသမားကို ပြစ်ဒဏ်ကျူးလွန်ထားခဲ့ပေမယ့် VAR က သွင်းဂိုးခွင့်ပြုခဲ့လို့ ကွန်ပနီက စိတ်ပျက်နေခဲ့တာဖြစ်ပါတယ်။
ကွန်ပနီက “လူတန်တိုက်စစ်မှူးလုပ်ခဲ့တဲ့အရာကို ပရော်ဖက်ရှင်နယ်ကစားသမားဟောင်းတိုင်း နားလည်မယ်လို့ထင်ပါတယ်။ဒိုင်လူကြီးက ဒါကိုတွေ့ဖို့ မျှော်လင့်ခဲ့ပြီး လူတန်ကစားသမားတွေဟာ အောင်ပွဲခံခြင်းတောင်မရှိပါဘူး။တိုက်စစ်မှူးဟာ ဂိုးသမားကို တားဆီးထားတာပါ။လူတန်ဟာ ဒီပွဲမှာမယုံနိုင်လောက်အောင် ကောင်းခဲ့ပေမယ့် ဒီအခိုက်အတန့်မှာတော့ ဒိုင်လူကြီးအနေနဲ့ မှန်ကန်အောင်ပြုလုပ်ပေးရမှာ”လို့ဆိုခဲ့ပါတယ်။
ဘန်လေနဲ့ လူတန်အသင်းတို့ဟာ ဒီပွဲရလဒ်ကြောင့် တန်းဆင်းဇုန်ထဲမှာ ဆက်လက်ရှိနေပြီး ဘန်လေအသင်းက အဆင့် ၁၉၊ လူတန်အသင်းက အဆင့် ၁၈ နေရာမှာရှိနေတာပါ။အဲ့ဒါကြောင့် ၂ သင်းစလုံးဟာ တန်းဆင်းဇုန်ကလွတ်ဖို့ လာမယ့်ပွဲတွေမှာရလဒ်ကောင်းရရှိအောင် ရုန်းကန်ရမှာဖြစ်ပါတယ်။
