ဝက်စ်ဟမ်းအသင်းကို ၆ ဂိုး- ဂိုးမရှိနဲ့ ဂိုးပြတ်အနိုင်ရတဲ့ပွဲမှာ အာဆင်နယ်အသင်းအတွက် ၂ ဂိုးသွင်းယူနိုင်ခဲ့တဲ့ တိုက်စစ်ကစားသမား ဆာကာက ဒီပွဲမှာ ဟက်ထရစ်ဂိုးမသွင်းယူနိုင်ခဲ့တာကြောင့် မပျော်ရွှင်ဘူးလို့ ဆိုခဲ့ပါတယ်။
ဒီပွဲမှာ အာဆင်နယ်အသင်းကစားသမားဘ၀ သွင်းဂိုး ၅၀ ပြည့်သွားခဲ့တဲ့ ဆာကာဟာ ၁၉၇၈ က စတပ်လီတန်နောက်ပိုင်း အာဆင်နယ်ကစားသမားဘ၀ သွင်းဂိုး ၅၀ ပြည့်တဲ့ အသက်အငယ်ဆုံးကစားသမားဖြစ်လာခဲ့တာပါ။ဒီလိုစံချိန်မှတ်တမ်းရခဲ့ပေမယ့် ဆာကာကတော့ ဒီထက်ဂိုးပိုပြီးမသွင်းနိုင်ခဲ့လို့ စိတ်ပျက်နေတာဖြစ်ပါတယ်။
ဆာကာက”ပထမပိုင်းမှာ ကျနော်တို့ ၄ ဂိုး-ဂိုးမရှိနဲ့ အနိုင်ရနေခဲ့ပြီး ကျနော်ကိုယ်တိုင်အပါအဝင် ကျနော်တို့ နောက်ထပ်ဂိုးတွေအများကြီးသွင်းယူနိုင်ခဲ့သင့်တယ်လို့ထင်ပါတယ်။ ဒါပေမယ့်လည်း ရိုးရိုးသားသားပြောရရင် သွင်းဂိုး ၅၀ ပြည့်သွားခဲ့လို့ ပျော်ရွှင်ပါတယ်။ဒါပေမယ့် ဒီနေ့ပျော်ရွှင်နိုင်မလားဆိုတာ မသေချာပါဘူး။ကျနော်ဟာ ဂိုးသွင်းနိုင်မယ်လို့ထင်ခဲ့တဲ့ အခွင့်အရေးအချို့ကို လွဲချော်ခဲ့ပါတယ်”လို့ ဆိုခဲ့ပါတယ်။
၂၀၁၈-၁၉ ရာသီမှာ အာဆင်နယ်အသင်းကြီးအတွက် စတင်ပွဲထွက်ခွင့်ရခဲ့တဲ့ ဆာကာဟာ အခုဆိုရင် ပွဲပေါင်း ၂၁၀ ပါဝင်ကစားထားအပြီးမှာ ၅၁ ဂိုးအထိသွင်းယူထားနိုင်ခဲ့တာဖြစ်ပါတယ်။