လီဗာပူးလ်အသင်းနောက်ခံလူ အာနိုးလ်ဟာ လီဗာပူးလ်အသင်းက ဘန်လေအသင်းကို ၃ ဂိုး-၁ ဂိုးနဲ့အနိုင်ရတဲ့ပွဲမှာ ဂိုးဖန်တီးမှုပြုလုပ်ခဲ့ပြီးနောက် ပရီးမီးယားလိဂ်သမိုင်းမှာ ဂိုးဖန်တီးမှုအများဆုံးနောက်ခံလူဖြစ်လာခဲ့ပါတယ်။
အာနိုးလ်ဟာ ဒီပွဲမှာ လီဗာပူးလ်အသင်းဖော် ဂျိုတာရဲ့သွင်းဂိုးကို ဖန်တီးပြီးနောက် ပရီးမီးယားလိဂ်ပြိုင်ပွဲမှာ ဂိုးဖန်တီးမှု ၅၈ ကြိမ်ရှိသွားခဲ့ပြီဖြစ်တာပါ။အဲ့ဒါကြောင့် အာနိုးလ်ဟာ လီဗာပူးလ်အသင်းဖော် ရောဘတ်ဆန်ရဲ့ဂိုးဖန်တီးမှု ၅၇ ကြိမ်ကို ၁ ဂိုးအသာနဲ့ ကျော်ဖြတ်ပြီး စံချိန်တင်နိုင်ခဲ့တာဖြစ်ပါတယ်။
အာနိုးလ်ဟာ ခြေစွမ်းတွေပြသနေပေမယ့် ဘန်လေအသင်းနဲ့ပွဲမှာ ဒူးဒဏ်ရာကို ပြန်ခံစားခဲ့တာကြောင့် ပထမပိုင်းအပြီးမှာ လူစားလဲခံခဲ့ရတာပါ။လီဗာပူးလ်အသင်းနည်းပြ ကလောပ့်ကတော့ အာနိုးလ်ရဲ့ဒဏ်ရာကို စမ်းသပ်မှုတွေပြုလုပ်ရမှာဖြစ်ပြီး အရမ်းကြီးဆိုးရွားမယ်လို့ မထင်ကြောင်းပြောခဲ့ပါတယ်။
လီဗာပူးလ်အသင်းဟာ ဘန်လေအသင်းကို အနိုင်ရခဲ့တာကြောင့် ပရီးမီးယားလိဂ်အမှတ်ပေးဇယားအဆင့် ၁ နေရာကို ဆက်လက်ဦးဆောင်နေပြီး ဒုတိယနေရာက မန်စီးတီးအသင်းထက် ၁ ပွဲပိုကစားကာ ၂ မှတ်အသာရနေတာဖြစ်ပါတယ်။