ဒီရာသီမှာသာ VAR နည်းစနစ်မရှိဘူးဆိုရင် အက်စတွန်ဗီလာအသင်းဟာ ပရီးမီယားလိဂ်အမှတ်ပေးဇယားကို ဦးဆောင်နေမှာဖြစ်တယ်လို့ လေ့လာမှုတစ်ခုအရ သိရပါတယ်။
အက်စတွန်ဗီလာအသင်းဟာ လက်ရှိအချိန်မှာ ပရီးမီးယားလိဂ်အမှတ်ပေးဇယား ဒုတိယနေရာမှာ ရပ်တည်နေပြီး ထိပ်ဆုံးနေရာက လီဗာပူးလ်အသင်းနဲ့ ၃ မှတ်ကွာဟနေတာပါ။ဒါပေမယ့် VAR သာမရှိရင် အက်စတွန်ဗီလာအသင်းဟာ ပရီးမီးယားလိဂ်အမှတ်ပေးဇယားကို ဦးဆောင်နေမှာ ဖြစ်ပါတယ်။
လေ့လာမှုအရ VAR သာမရှိရင် အက်စတွန်ဗီလာအသင်းဟာ နောက်ထပ် ၄ မှတ်ရရှိမှာလို့ သိရတာပါ။အက်စတွန်ဗီလာအသင်းဟာ သွင်းဂိုးတွေပယ်ဖျက်ခံခဲ့ရတဲ့ ဘုန်းမောက်နဲ့ ရှက်ဖီးယူနိုက်တက်အသင်းတို့ပွဲစဉ်မှာ သရေရလဒ်အစား နိုင်ပွဲတွေရယူနိုင်မှာဖြစ်ပါတယ်။လီဗာပူးလ်အသင်းဟာ စပါးအသင်းနဲ့ပွဲမှာ VAR အငြင်းပွားမှုကြုံတွေ့ခဲ့ရပေမယ့် VAR မပါဝင်လည်း သူတို့ရဲ့ရမှတ်က ပြောင်းလဲခြင်းမရှိတာပါ။
ချယ်လ်ဆီးအသင်းဟာ လက်ရှိအဆင့် ၁၀ နေရာမှာရပ်တည်နေပေမယ့် VARသာ မရှိရင် သူတို့ဟာ နောက်ထပ်အဆင့် ၂ ဆင့်ထပ်ပြီးကျသွားမယ်လို့ The Sun က ဖော်ပြထားတာဖြစ်ပါတယ်။