ဂျူဗင်တပ်စ်နည်းပြဟောင်း ပီယာလိုဟာ လစ်လပ်နေတဲ့ ဘယ်လ်ဂျီယံအသင်းနည်းပြရာထူးကို စိတ်ဝင်စားနေတယ်လို့ သတင်းတွေအရ သိရပါတယ်။
၂၀၂၁ က ဂျူဗင်တပ်စ်ကနေ ထွက်ခွာခဲ့တဲ့ ပီယာလိုဟာ တူရကီကလပ် ကာရာဂူမာရတ်ခ်အသင်းကို လက်ရှိအချိန်မှာ ကိုင်တွယ်နေတာပါ။လက်ရှိအချိန်မှာ မာတီးနတ်ဇ်က ဘယ်လ်ဂျီယံကနေ ထွက်ခွာခဲ့တာကြောင့် အီတလီကစားသမားဟောင်းဟာ ဒီရာထူးကို စိတ်ဝင်စားနေတာ ဖြစ်ပါတယ်။
ပီယာလိုဟာ ဒီနည်းပြရာထူးကို စိတ်ဝင်စားနေတဲ့ နည်းပြတွေထဲက တစ်ဦးဖြစ်တယ်လို့ ဒတ်ချ်သတင်းစာ HLN က ဖော်ပြခဲ့တာပါ။မကြာသေးခင်က နည်းပြတွေဟာ လစ်လပ်နေတဲ့ နေရာအတွက် ဘယ်လ်ဂျီယံဘောလုံးအကြီးအကဲထံ သူတို့ရဲ့ CV တွေကို ပေးပို့ခဲ့တာဖြစ်ပါတယ်။
ဒီထဲမှာ ပီယာလိုလည်း ပါဝင်တယ်လို့ သိရတာပါ။ဒါပေမယ့် အောင်မြင်မှုရယူထားနိုင်ခြင်း နည်းပါးပြီး နည်းပြအတွေ့အကြုံလည်း သိပ်မရှိတာကြောင့် ဒီရာထူးကို ရယူနိုင်ဖို့တော့ ခက်ခဲတယ်လို့ သိရတာဖြစ်ပါတယ်။
လက်ရှိအချိန်မှာ မာတီးနတ်ဇ်ရဲ့ လက်ထောက်နည်းပြအဖြစ် ဆောင်ရွက်ခဲ့တဲ့ အွန်နရီက ဘယ်လ်ဂျီယံနည်းပြရာထူးကို ရယူနိုင်ဖို့ ရေပန်းစားနေပြီး လူကာကူအပါအဝင် ကစားသမားတချို့က ထောက်ခံပေးထားတာဖြစ်ပါတယ်။