ပေါ်တူဂီအသင်းခေါင်းဆောင် ရော်နယ်ဒိုဟာ အယ်လ်နာဆာအသင်းထံ ပြောင်းရွှေ့ပြီးနောက် ကလပ်အသင်းပထမဆုံးကစားတဲ့ပွဲမှာ ပွဲပယ်ပြစ်ဒဏ်ကြောင့် မပါဝင်နိုင်ခဲ့တာဖြစ်ပါတယ်။
ဒါပေမယ့် ရော်နယ်ဒိုဟာ ပထမပိုင်းမှာ အသင်းရဲ့VIP box ထဲမှာ ကြည့်ရှုနေခဲ့ပြီး ဒုတိယပိုင်းမှာတော့ အဲ့ဒီနေရာမှာ မရှိတော့ဘဲ အသင်းရဲ့ အဝတ်လဲခန်းထဲရောက်သွားခဲ့တာပါ။
သူဟာ စက်ဘီးစီးလေ့ကျင့်ခန်းပြုလုပ်ရင်းနဲ့ အသင်းကို အားပေးခဲ့တာဖြစ်ပါတယ်။ဒီပွဲမှာ အယ်လ်နာဆာအသင်းက ၂ ဂိုး- ဂိုးမရှိနဲ့ အနိုင်ရရှိသွားခဲ့တာဖြစ်ပါတယ်။
Ronaldo's reaction to @talisca_aa’s 2nd Goal 👏🏼🤩 pic.twitter.com/6s1hLRFLAj
— AlNassr FC (@AlNassrFC_EN) January 6, 2023
ရော်နယ်ဒိုဟာ တယ်လီစကာက အသင်းအတွက် ဂိုးသွင်းတဲ့ အချိန်မှာ လေ့ကျင့်မှုပြုလုပ်ရင်းနဲ့ လက်ခုပ်တီးပြီး အားပေးနေခဲ့တာဖြစ်ပါတယ်။
ရော်နယ်ဒိုဟာ ယူနိုက်တက်အသင်းမှာ ကစားခဲ့ချိန်က ပွဲပယ်ပြစ်ဒဏ် ၂ ပွဲကြောင့် အသင်းသစ်အတွက် ပွဲထွက်ခွင့်မရသေးပေမယ့် အသင်းနဲ့အတူ ပွဲကိုလိုက်ပါခဲ့ပြီး အားပေးမှုပြုလုပ်သွားခဲ့တာပါ။
ရော်နယ်ဒိုဟာ ပွဲပယ်ကြောင့် အယ်လ်နာဆာအသင်း နောက်ထပ်ကစားမယ့် ပွဲစဉ်တစ်ပွဲကိုလည်း လွဲချော်ဦးမှာဖြစ်ပြီး ပီအက်စ်ဂျီအသင်းနဲ့ ခြေစမ်းမယ့် ဆော်ဒီလိဂ်ရဲ့ အကောင်းဆုံးအသင်းဘက်မှာ ပါဝင်ပြီး ပွဲထွက်နိုင်တယ်လို့တော့ သတင်းတွေမှာ ဖော်ပြထားတာဖြစ်ပါတယ်။
