ရော်နယ်ဒိုဟာ အယ်လ်နာဆာအသင်းအတွက် ပွဲဦးထွက်မကစားရသေးပေမယ့် သူ့ရဲ့ပွဲဦးထွက်သွင်းဂိုးဆိုတဲ့ ဗီဒီယိုတစ်ခုကို တင်ပြီးနောက် Youtube ဟာ ကြည့်ရှူသူ သန်းပေါင်းများစွာကို လှည့်ဖျားခဲ့တာဖြစ်ပါတယ်။
အသက် ၃၇ နှစ်အရွယ်ရှိ ရော်နယ်ဒိုဟာ မကြာသေးခင်ရက်ပိုင်းကမှ အယ်လ်နာဆာပရိသတ်တွေ ရှေ့မှောက်မှာ ကစားသမားသစ်အဖြစ် တရားဝင်မိတ်ဆက်ခဲ့တာပါ။ရော်နယ်ဒိုဟာ မနေ့က ကစားဖို့ စီစဉ်ထားတဲ့ အယ်လ်တာအီနဲ့ ပွဲမှာ ပွဲထွက်ခွင့်ရဖို့ မျှော်လင့်ခဲ့တာဖြစ်ပါတယ်။
ဒါပေမယ့် မိုးသည်းထန်စွာရွာသွန်းမှုကြောင့် ဒီပွဲကို ၂၄ နာရီကြာ ရွှေ့ဆိုင်းခဲ့တာပါ။ဒါပေမယ့် ရော်နယ်ဒိုဟာ ပွဲပယ်ပြစ်ဒဏ်ကြောင့် ဒီပွဲကို ပါဝင်နိုင်ဖွယ်မရှိသလို ကစားသမားစာရင်းမှာလည်း မထည့်သွင်းရသေးဘူးလို့ သတင်းတွေထွက်ပေါ်နေခဲ့တာဖြစ်ပါတယ်။
ရော်နယ်ဒိုဟာ အယ်လ်နာဆာအတွက် ပွဲဦးမထွက်ရသေးပေမယ့် Youtube အသုံးပြုသူတစ်ဦးက ဆော်ဒီကလပ်အတွက် ပထမဆုံးဂိုးသွင်းယူလိုက်တယ်ဆိုတဲ့ ဟိုက်လိုက်ဗီဒီယိုကို တင်ခဲ့တာပါ။
A YouTuber has claimed that Cristiano Ronaldo scored his first goal at Al-Nassr even though he’s not made his debut yet.
— Football Tweet ⚽ (@Football__Tweet) January 6, 2023
His video got 17 million views in 24 hours. 🤯😭 pic.twitter.com/76dToyT758
ပရိသတ်တွေက ဒီဗီယိုကို ဝင်ကြည့်ခဲ့ရာမှာ ၂၄ နာရီအတွင်း စံချိန်တင် ၁၇ သန်းအထိ ရှိခဲ့တာဖြစ်ပါတယ်။ပရိသတ်တစ်ဦးက “အခုအင်တာနက်ပေါ်မှာ လူတွေက ဘာမဆိုယုံကြည်ကြတယ်”လို့ ရေးသားခဲ့တာဖြစ်ပါတယ်။
