အငြင်းပွားဖွယ်ရာ ကိစ္စရပ်တွေမှာ နာမည်ကြီးတဲ့ ဘာလော့တယ်လီဟာ အီတလီလက်ရွေးစင်အသင်း မှာ ပြန်လည်အရွေးခံရဖို့ မျှော်လင့်နေပေမယ့် နည်းပြ မန်စီနီရဲ့ ပြောစကားကြောင့် ကစားသမားရဲ့ မျှော်လင့်ချက်တွေဟာ အဆုံးသတ်သွားရဖို့ရှိနေပါတယ်။
အသက် ၃၂ နှစ်အရွယ်ရှိ ဘာလော့တယ်လီဟာ အီတလီလက်ရွေးစင်အသင်းအတွက် ၃၆ ပွဲပါဝင်ကစားထားပြီး ၁၄ ဂိုးသွင်းယူထားတာပါ။ဘာလော့တယ်လီ ခြေစွမ်းပိုင်းကောင်းမွန်ပေမယ့် ပြဿနာ ပြုလုပ်တက်တဲ့ အမူအကျင့်ကြောင့် လက်ရွေးစင်အသင်းနဲ့ ဝေးကွာခဲ့ရတာဖြစ်ပါတယ်။
ဒါပေမယ့် ဘာလော့တယ်လီဟာ တိုက်စစ်မှူးကောင်းတွေရှားပါးနေတဲ့ အီတလီအသင်းမှာ ပြန်လည်အရွေးခံရဖို့ မျှော်လင့်နေတာပါ။မန်စီနီနဲ့ ဘာလော့တယ်လီတို့ဟာ အင်တာမီလန်နဲ့ မန်စီးတီးအသင်းတို့မှာ အတူလက်တွဲခဲ့ကြတာဖြစ်ပါတယ်။
မန်စီနီဟာ အီတလီလက်ရွေးစင်အသင်းမှာလည်း ဘာလော့တယ်လီကို ၃ ပွဲပါဝင်ကစားစေခဲ့ပါတယ်။ဘာလော့တယ်လီက သူ့ရဲ့ အတွေးထဲမှာရှိနေလားလို့ သတင်းထောက်က မေးတဲ့တဲ့အချိန်မှာ မန်ချီနီက “သူ့ရဲ့ အခန်းဟာ ပိတ်သွားပါပြီ”လို့ ဖြေခဲ့ပါတယ်။
အီတလီအသင်းဟာ ပြီးခဲ့တဲ့ ယူရို ၂၀၂၄ ခြေစစ်ပွဲ ၂ ပွဲမှာ အာဂျင်တီးနားဖွား ရီတီဂွီကို အဓိကတိုက်စစ်မှူးအဖြစ် အသုံးပြုခဲ့ပြီး သူကလည်း ၂ ပွဲစလုံးဂိုးသွင်းယူကာ ခြေစွမ်းပြသနိုင်ခဲ့တာဖြစ်ပါတယ်။
