အတ္တလန်တာအသင်းက လေဗာကူဆင်အသင်းကို ၃ ဂိုး-ဂိုးမရှိနဲ့ အနိုင်ရခဲ့တဲ့ ယူရိုပါလိဂ်ဗိုလ်လုပွဲမှာ အတ္တလန်တာအသင်းအတွက် ဟက်ထရစ်သွင်းပြီးခြေစွမ်းပြသနိုင်ခဲ့တဲ့ လွတ်ခ်မန်းက သူ့ဘ၀ရဲ့အကောင်းဆုံးညတွေထဲက တစ်ညလို့ ပွဲအပြီးအင်တာဗျူးမှာ ပြောခဲ့ပါတယ်။
![](https://www.ballpwel.com/wp-content/uploads/2024/05/AP-6.jpg)
လွတ်ခ်မန်းဟာ ဒီပွဲမှာ ဟက်ထရစ်ဂိုးသွင်းယူနိုင်ခဲ့တာကြောင့် ယူရိုပါလိဂ်ဗိုလ်လုပွဲသမိုင်းမှာ ပထမဆုံးဟက်ထရစ်ဂိုးသွင်းယူနိုင်ခဲ့တဲ့ သူအဖြစ် မှတ်တမ်းဝင်ခဲ့ပါတယ်။လွတ်ခ်မန်းရဲ့ခြေစွမ်းပြသမှုကြောင့် လေဗာကူဆင်အသင်းဟာ ဒီရာသီပြိုင်ပွဲစုံ ၅၁ ပွဲဆက်တိုက်ရှုံးပွဲမရှိသေးတဲ့ စံချိန်လည်း ရပ်တန့်သွားခဲ့တာဖြစ်ပါတယ်။
အတ္တလန်တာအသင်းဟာ အသင်းရဲ့နှစ်ပေါင်း ၁၁၇ နှစ်ကြာသမိုင်းမှာ ပထမဆုံးဥရောပဖလားကို ရယူနိုင်ခဲ့ပြီး ဆုဖလားရယူနိုင်ဖို့ နှစ်ပေါင်း ၆၁ နှစ်ကြာစောင့်ဆိုင်းခဲ့ရတာကိုလည်း အဆုံးသတ်နိုင်ခဲ့တာပါ။လွတ်ခ်မန်းဟာ ယူရိုပါလိဂ်ဗိုလ်လုပွဲရဲ့အကောင်းဆုံးကစားသမားဆုကိုလည်း ရယူနိုင်ခဲ့တာဖြစ်ပါတယ်။
"One of the best nights of my life"
— Football on TNT Sports (@footballontnt) May 22, 2024
MOTM Ademola Lookman on scoring a hat-trick in the Europa League final ❤️ pic.twitter.com/7KBqD4xnx1
လွတ်ခ်မန်းက “ကျနော့်ဘ၀ရဲ့အကောင်းဆုံးညတွေထဲက တစ်ညပါ။အသင်းဟာ အံ့ဩစရာကောင်းတဲ့စွမ်းဆောင်ရည်ကို ပြသခဲ့ပြီး ကျနော်တို့လုပ်နိုင်ခဲ့ပါတယ်။ဒီနေ့မှာ ကျနော်တို့သမိုင်းကို ဖန်တီးနိုင်ခဲ့ပါတယ်”လို့ဆိုခဲ့ပါတယ်။
![](https://www.ballpwel.com/wp-content/uploads/2024/05/1c737a00-188d-11ef-a164-a14a3a41503c.jpg)
လွတ်ခ်မန်းဟာ ပြီးခဲ့တဲ့ ကိုပါအီတာလီယာဖလားဗိုလ်လုပွဲမှာ အတ္တလန်တာအသင်းနဲ့အတူ ရှုံးပွဲကြုံတွေ့ခဲ့သလို ပြီးခဲ့တဲ့ အာဖရိကဖလားဗိုလ်လုပွဲမှာ နိုင်ဂျီးရီးယားအသင်းနဲ့အတူ ရှုံးပွဲကြုံတွေ့ခဲ့တာပါ။တတိယအကြိမ်ဗိုလ်လုပွဲမှာတော့ လွတ်ခ်မန်းဟာ ကံကောင်းခဲ့ပြီး အတ္တလန်တာအသင်းနဲ့ ယူရိုပါလိဂ်ဖလားကို ရယူနိုင်ခဲ့တာဖြစ်ပါတယ်။