ပေါ်တူဂီလက်ရွေးစင် အသင်းခေါင်းဆောင် ရော်နယ်ဒိုဟာ ဥရုဂွေးကို နှစ်ဂိုးပြတ်နဲ့ အနိုင်ရရှိခဲ့တဲ့ပွဲက အသင်းရဲ့ ပထမသွင်းဂိုးမှာ သူ့ရဲ့ ခေါင်းနဲ့ ဘောလုံး ထိသွားခဲ့တယ်လို့ ပြောကြားခဲ့ကြောင်း မော်ဂန်က ဆိုလာပါတယ်။ အဆိုပါပွဲမှာ ပေါ်တူဂီတို့ နှစ်ဂိုးပြတ်နဲ့ အနိုင်ရရှိခဲ့တာဖြစ်ပြီး ပေါ်တူဂီကလည်း အုပ်စုနှစ်ပွဲ ကစားပြီးချိန်မှာ ရာနှုန်းပြည့်နိုင်ပွဲနဲ့အတူ ရှုံးထွက် (၁၆) သင်းအဆင့်ကို တက်ရောက်နိုင်ခဲ့ပါတယ်။ ဒီပွဲရဲ့ ပထမသွင်းဂိုးမှာ ဘရူနိုဖာနန်ဒက်စ် ကန်တင်ပေးလိုက်တဲ့ ဘောလုံးကို ရော်နယ်ဒို ခေါင်းနဲ့ ဝင်တိုက်ဖို့ ကြိုးစားခဲ့ရာကတစ်ဆင့် ဂိုးဝင်သွားခဲ့တာပါ။ ရော်နယ်ဒိုကလည်း သူ့ရဲ့ သွင်းဂိုးအဖြစ် မှတ်ယူကာ အောင်ပွဲခံခဲ့ပါတယ်။ ဒါပေမယ့်လည်း ပြိုင်ပွဲကျင်းပရေးတာဝန်ရှိသူတွေကတော့ ဒီဂိုးကို ဘရူနိုဖာနန်ဒက်စ်ရဲ့ဂိုးအဖြစ်သာ သတ်မှတ်ပေးခဲ့ပါတယ်။ Adidas နဲ့ ဖီဖာဘက်ကလည်း ဒီဂိုးမှာ ရော်နယ်ဒိုနဲ့ မထိခဲ့ကြောင်း အတည်ပြုခဲ့ပါတယ်။ ဘရူနိုဖာနန်ဒက်စ်ကတော့ […]

ကမ္ဘာကျော် ကစားသမားနှစ်ယောက်ဖြစ်တဲ့ ရော်နယ်ဒိုနဲ့ မက်ဆီတို့ဟာ (၂၀၃၀) ကမ္ဘာ့ဖလားကို အိမ်ရှင်အဖြစ် လက်ခံကျင်းပခွင့်ရရှိရေးအတွက် ကြိုးစားနေတဲ့ ဆော်ဒီအာရေဗျနိုင်ငံရဲ့ အဓိကပစ်မှတ်ဖြစ်နေကြောင်း သိရှိရပါတယ်။ ဆော်ဒီဟာ လာမယ့် (၂၀၃၀) ကမ္ဘာ့ဖလားပြိုင်ပွဲကို အိမ်ရှင်အဖြစ် လက်ခံကျင်းပခွင့်ရရှိရေး ဝင်ရောက်ယှဥ်ပြိုင်သွားဖို့ ပြင်ဆင်နေပါတယ်။ ဆော်ဒီဟာ အီဂျစ်၊ ဂရိတို့နဲ့ ပူးတွဲအိမ်ရှင်အဖြစ် လက်ခံကျင်းပသွားဖို့ ပစ်မှတ်ထားနေတာပါ။ အဲ့ဒါကြောင့်လည်း ဆော်ဒီဘောလုံးလောကအနေနဲ့ အခုတည်းက ကြိုတင်ပြင်ဆင်နေကြတာပါ။ ရော်နယ်ဒိုကို ခေါ်ယူဖို့ ဆော်ဒီကလပ်အသင်းအချို့က ကြိုးစားနေပြီး မက်ဆီကိုလည်း ခရီးသွားမြှင့်တင်ရေး တာဝန်ခံအဖြစ် ရာထူးပေးအပ်သွားဖို့ ပြင်ဆင်နေပါတယ်။ ဒီကိစ္စတွေအတွက်တော့ ကစားသမားနှစ်ယောက်လုံးဘက်က တစ်စုံတစ်ရာ တုံ့ပြန်ခြင်းမရှိသေးပါဘူး။ ရော်နယ်ဒိုဟာ လက်ရှိအချိန်မှာ အသင်းလက်မဲ့ဖြစ်နေသူပါ။ ရော်နယ်ဒိုအတွက်ရော၊ မက်ဆီအတွက်ရောက လက်ရှိ (၂၀၂၂) ကာတာကမ္ဘာ့ဖလားပြိုင်ပွဲကို သူတို့အတွက် နောက်ဆုံးသော ကမ္ဘာ့ဖလားပြိုင်ပွဲအဖြစ် ပစ်မှတ်ထား […]

ရော်နယ်ဒိုဟာ မနေ့ညက ဂါနာနဲ့ ကစားခဲ့တဲ့ ပေါ်တူဂီရဲ့ (၂၀၂၂) ကာတာကမ္ဘာ့ဖလားအုပ်စုအဖွင့်ပွဲမှာ အသင်းခေါင်းဆောင်အဖြစ် ပွဲထွက်ပါဝင်ကစားခဲ့တဲ့နောက် မှတ်တမ်းတစ်ခုကို ရရှိသွားခဲ့ပါတယ်။ ဒါကတော့ ကမ္ဘာ့ဖလားပြိုင်ပွဲသမိုင်းတစ်လျှောက်မှာ အသင်းလက်မဲ့ ကစားသမားတစ်ယောက်က လက်ရွေးစင်အသင်းတစ်သင်းကို အသင်းခေါင်းဆောင်အဖြစ် ဦးဆောင်ခွင့်ရရှိခဲ့တဲ့ ဒုတိယမြောက် ကစားသမားအဖြစ် မှတ်တမ်းဝင်ခဲ့တာပဲဖြစ်ပါတယ်။ သူ့မတိုင်ခင်က ဒီလိုမျိုး မှတ်တမ်းဝင်ခဲ့တဲ့ ပထမဆုံး ကစားသမားက ကနေဒါ ကစားသမား ဘရုစ်ဝီလ်ဆင်ပဲဖြစ်ပါတယ်။ ဝီလ်ဆင်ဟာ အသင်းလက်မဲ့အဖြစ်နဲ့ ပြီးခဲ့တဲ့ (၁၉၈၆) ကမ္ဘာ့ဖလားမှာ ကနေဒါအသင်းခေါင်းဆောင်အဖြစ် ပါဝင်ခဲ့တာပါ။ ရော်နယ်ဒိုဟာ ပြီးခဲ့တဲ့ ရက်ပိုင်းအတွင်းကမှ ယူနိုက်တက်နဲ့ နှစ်ဦး သဘောတူ စာချုပ်ဖျက်သိမ်းခဲ့ပြီးနောက် လက်ရှိအချိန်မှာ အသင်းလက်မဲ့ဖြစ်နေခဲ့တာပါ။ ရော်နယ်ဒိုကို ခေါ်ယူဖို့အတွက် နယူးကာဆယ်၊ ဆော်ဒီကလပ်အချို့က သတင်းတွေထွက်ပေါ်နေပေမယ့် ကစားသမားကိုယ်တိုင်က ကမ္ဘာ့ဖလားအတွက်ပဲ အာရုံစိုက်ထားတယ်လို့ဆိုပါတယ်။ ရော်နယ်ဒိုဟာ ပီယာ့စ်မော်ဂန်နဲ့ […]

ပေါ်တူဂီနဲ့ (၂၀၂၂) ကာတာကမ္ဘာ့ဖလား အုပ်စုအဖွင့်ပွဲမှာ ရင်ဆိုင်ရမယ့် ဂါနာလက်ရွေးစင်အသင်းခေါင်းဆောင် အန်ဒရေအယူးက ရော်နယ်ဒိုရဲ့ပြဿနာတွေဟာ ပေါ်တူဂီအပေါ် တစ်စုံတစ်ရာ ထိခိုက်နိုင်မှာ မဟုတ်ဘူးလို့ ပြောကြားခဲ့ပါတယ်။ ရော်နယ်ဒိုဟာ ယူနိုက်တက်နဲ့ နှစ်ဦးသဘောတူ လမ်းခွဲခဲ့ပြီးနောက် လက်ရှိအချိန်မှာ အသင်းလက်မဲ့ဖြစ်နေပါတယ်။ အဆိုပါ ပေါ်တူဂီလက်ရွေးစင်အသင်းခေါင်းဆောင်ကို ခေါ်ယူဖို့ အချို့အသင်းတွေက စိတ်ဝင်စားနေပါတယ်။ ဒါပေမယ့် ရော်နယ်ဒိုက လက်ရှိအချိန်မှာ ကမ္ဘာ့ဖလားအတွက်သာ အာရုံစိုက်ထားကြောင်း သိရှိရပါတယ်။ ရော်နယ်ဒိုနဲ့ ပတ်သက်လို့ အန်ဒရေအယူးက အခုလိုပဲ ပြောကြားခဲ့ပါတယ်။ အန်ဒရေအယူးက “ပေါ်တူဂီနဲ့ ပတ်သက်လို့ ဖြစ်ပျက်နေတာက ကျွန်တော်တို့အတွက် ပြဿနာမဟုတ်ပါဘူး။ သူတို့ အားလုံးက ထိပ်တန်းအသင်းတွေမှာ ကစားနေတဲ့ ထိပ်တန်းအဆင့် ပရော်ဖက်ရှင်နယ်တွေပါ။ ဘာတွေပဲဖြစ်ဖြစ်ပေါ့” “ပေါ်တူဂီက စာရွက်ပေါ်မှာ ရေပန်းစားနေတာကို ကျွန်တော်တို့ သိပါတယ်။ ဒါပေမယ့် ကွင်းထဲမှာ […]

ပေါ်တူဂီလက်ရွေးစင်အသင်းရဲ့ တိုက်စစ်မှူးကြီး ရော်နယ်ဒိုဟာ ကမ္ဘာ့ဖလားအတွက် ပြင်ဆင်မှုတွေ ပြုလုပ်နေတဲ့ အသင်းရဲ့ လေ့ကျင့်ခန်းအစီအစဥ်မှာ ပြန်လည် ပါဝင်လာနိုင်ခဲ့ကြောင်း သိရှိရပါတယ်။ ရော်နယ်ဒိုဟာ အစာအိမ်ရောဂါဝေဒနာကြောင့် ဗုဒ္ဓဟူးနေ့က ပြုလုပ်ခဲ့တဲ့ အသင်းရဲ့ လေ့ကျင့်ခန်း အစီအစဥ်ကို လွဲချော်ခဲ့ရသလို နိုင်ဂျီးရီးယားနဲ့ ခြေစမ်းပွဲမှာလည်း ပါဝင်ကစားနိုင်ခဲ့ခြင်း မရှိပါဘူး။ ဒီအကြောင်းကိုလည်း ပေါ်တူဂီလက်ရွေးစင်နည်းပြ ဖာနန်ဒိုဆန်းတို့စ်ကိုယ်တိုင်က အတည်ပြုထားပါတယ်။ မနေ့က ပြုလုပ်ခဲ့တဲ့ လေ့ကျင့်ခန်းအစီအစဥ်မှာတော့ ရော်နယ်ဒိုက ရောဂါဝေဒနာကနေ ပြန်လည်သက်သာသွားခဲ့ပြီး အသင်းနဲ့ အတူ လေ့ကျင့်ခန်း ပြန်ဆင်းနေကြောင်း သိရှိရပါတယ်။ ရော်နယ်ဒိုဟာ ဂါနာနဲ့ ကြာသပတေးနေ့မှာ ကစားမယ့် ကမ္ဘာ့ဖလားအုပ်စုအဖွင့်ပွဲမှာ ပါဝင်နိုင်ဖွယ်ရှိပါတယ်။ ရော်နယ်ဒိုဟာ ကမ္ဘာ့ဖလားမတိုင်ခင် ကစားခဲ့တဲ့ ယူနိုက်တက်ရဲ့ နောက်ဆုံးပွဲစဥ်နှစ်ပွဲဆက်တိုက်မှာလည်း ဖျားနာနေတယ်လို့ အကြောင်းပြပြီး ပါဝင်ကစားခဲ့ခြင်းမရှိပါဘူး။ ဒါဟာ ကမ္ဘာ့ဖလားအတွက် သူ့ကိုယ်သူ […]

ပေါ်တူဂီလက်ရွေးစင် အသင်းခေါင်းဆောင် ရော်နယ်ဒိုဟာ လာမယ့် (၂၀၂၂) ကာတာကမ္ဘာ့ဖလားပြိုင်ပွဲမှာ အသင်းကို ချန်ပီယံဖြစ်အောင် စွမ်းဆောင်ပေးနိုင်ဖို့ အကောင်းမြင်နေပြီး ကမ္ဘာ့ဖလားသာရရှိခဲ့ရင် ကစားသမားဘဝက အနားယူသွားနိုင်ကြောင်း ဖွင့်ဟခဲ့ပါတယ်။ ရော်နယ်ဒိုဟာ ယူရို-၂၀၁၆ ချန်ပီယံဆုကို ပေါ်တူဂီနဲ့အတူ ဆွတ်ခူးပြီးနောက် နိုင်ငံတကာ ကစားသမားဘဝအတွက် အကြီးမားဆုံး အောင်မြင်မှုကို ဆွတ်ခူးနိုင်ဖို့ မျှော်လင့်နေပါတယ်။ ပေါ်တူဂီဟာ ဒီနှစ် ကမ္ဘာ့ဖလားအုပ်စုအဆင့်မှာ ဂါနာ၊ ဥရုဂွေး၊ တောင်ကိုရီးယားတို့နဲ့ တအုပ်စုတည်း ကျရောက်နေပါတယ်။ အသင်းရဲ့ မျှော်လင့်ချက်နဲ့ ပတ်သက်လို့ ရော်နယ်ဒိုက “ကျနော်တို့အတွက် အံ့အားသင့်ဖွယ် ကမ္ဘာ့ဖလားပြိုင်ပွဲ ဖြစ်လာဖို့ မျှော်လင့်ထားပါတယ်” “ကမ္ဘာ့ဖလားကို ဆွတ်ခူးနိုင်ဖို့အတွက်လည်း အကောင်းမြင်စိတ်ရှိပါတယ်။ ကျနော်တို့ဆီမှာ နည်းပြကောင်းနဲ့ ဘောလုံးမျိုးဆက်ကောင်းတခုရှိနေပါတယ်” “ကမ္ဘာ့ဖလားကို ဆွတ်ခူးနိုင်ဖို့က ခက်ခဲမှာပါ။ တော်တော်လေးကို ခက်ခဲပါလိမ့်မယ်။ ဒါပေမယ့် ဘာမဆိုဖြစ်နိုင်ပါတယ်။ […]