အသင်းလက်မဲ့ဖြစ်ပြီး ပေါ်တူဂီကပ္ပတိန်ဖြစ်ခဲ့လို့ မှတ်တမ်းတစ်ခုရသွားတဲ့ ရော်နယ်ဒို
ရော်နယ်ဒိုဟာ မနေ့ညက ဂါနာနဲ့ ကစားခဲ့တဲ့ ပေါ်တူဂီရဲ့ (၂၀၂၂) ကာတာကမ္ဘာ့ဖလားအုပ်စုအဖွင့်ပွဲမှာ အသင်းခေါင်းဆောင်အဖြစ် ပွဲထွက်ပါဝင်ကစားခဲ့တဲ့နောက် မှတ်တမ်းတစ်ခုကို ရရှိသွားခဲ့ပါတယ်။ ဒါကတော့ ကမ္ဘာ့ဖလားပြိုင်ပွဲသမိုင်းတစ်လျှောက်မှာ အသင်းလက်မဲ့ ကစားသမားတစ်ယောက်က လက်ရွေးစင်အသင်းတစ်သင်းကို အသင်းခေါင်းဆောင်အဖြစ် ဦးဆောင်ခွင့်ရရှိခဲ့တဲ့ ဒုတိယမြောက် ကစားသမားအဖြစ် မှတ်တမ်းဝင်ခဲ့တာပဲဖြစ်ပါတယ်။ သူ့မတိုင်ခင်က ဒီလိုမျိုး မှတ်တမ်းဝင်ခဲ့တဲ့ ပထမဆုံး ကစားသမားက ကနေဒါ ကစားသမား ဘရုစ်ဝီလ်ဆင်ပဲဖြစ်ပါတယ်။ ဝီလ်ဆင်ဟာ အသင်းလက်မဲ့အဖြစ်နဲ့ ပြီးခဲ့တဲ့ (၁၉၈၆) ကမ္ဘာ့ဖလားမှာ ကနေဒါအသင်းခေါင်းဆောင်အဖြစ် ပါဝင်ခဲ့တာပါ။ ရော်နယ်ဒိုဟာ ပြီးခဲ့တဲ့ ရက်ပိုင်းအတွင်းကမှ ယူနိုက်တက်နဲ့ နှစ်ဦး သဘောတူ စာချုပ်ဖျက်သိမ်းခဲ့ပြီးနောက် လက်ရှိအချိန်မှာ အသင်းလက်မဲ့ဖြစ်နေခဲ့တာပါ။ ရော်နယ်ဒိုကို ခေါ်ယူဖို့အတွက် နယူးကာဆယ်၊ ဆော်ဒီကလပ်အချို့က သတင်းတွေထွက်ပေါ်နေပေမယ့် ကစားသမားကိုယ်တိုင်က ကမ္ဘာ့ဖလားအတွက်ပဲ အာရုံစိုက်ထားတယ်လို့ဆိုပါတယ်။ ရော်နယ်ဒိုဟာ ပီယာ့စ်မော်ဂန်နဲ့ […]