ပြီးခဲ့တဲ့ရာသီက ဒေါ့မွန်အသင်းကနေ ရောက်ရှိလာခဲ့တဲ့ ဘယ်လင်ဂမ်ဟာ ရီးရယ်လ်အသင်းကစားသမားဘ၀ ပွဲဦးထွက်ရာသီဖြစ်တဲ့၂၀၂၃-၂၄ ရာသီအတွက် လာလီဂါတစ်နှစ်တာအကောင်းဆုံးကစားသမားဆုကို ရရှိသွားခဲ့ပါတယ်။
![](https://www.ballpwel.com/wp-content/uploads/2024/05/GOr40QiXEAAAEWX.jpg)
ဘယ်လင်ဂမ်ဟာ ဒီရာသီမှာ ရီးရယ်လ်အသင်းအတွက် လာလီဂါပွဲပေါင်း ၂၈ ပွဲကစားခဲ့ပြီး ၁၉ ဂိုးသွင်းယူကာ ၆ ဂိုးဖန်တီးပြီး အသင်းကို အမှတ်ပေးဖလားရရှိအောင် စွမ်းဆောင်ပေးနိုင်ခဲ့တာပါ။အဲ့ဒါကြောင့်လည်း ဘယ်လင်ဂမ်ဟာ စပိန်လာလီဂါတစ်နှစ်တာအကောင်းဆုံးကစားသမားဆုကို ရရှိသွားခဲ့တာဖြစ်ပါတယ်။
အင်္ဂလန်ကွင်းလယ်လူ ဘယ်လင်ဂမ်ဟာ ဒီရာသီမှာ ရီးရယ်လ်အသင်းအတွက် ၄၁ ပွဲအထိပါဝင်ကစားထားပြီး ၂၃ ဂိုးသွင်းယူကာ ၁၂ ဂိုးဖန်တီးထားတာပါ။ဘယ်လင်ဂမ်ဟာ Kopa Trophy နဲ့ Golden Boy ဆုတွေကိုလည်း ရရှိထားတဲ့အတွက် အခုနှစ်အတွက် ဘောလွန်းဒီအောဆုကို ရယူနိုင်မယ့်သူအဖြစ်တောင် ရေပန်းစားနေတာဖြစ်ပါတယ်။
![](https://www.ballpwel.com/wp-content/uploads/2024/05/GOr87ZHW8AApfT0-1024x1024.jpg)
၂၀၂၃-၂၄ ရာသီအတွက် လာလီဂါအခြားအကောင်းဆုံးဆုတွေဖြစ်တဲ့ ယူ-၂၃ တစ်နှစ်တာအကောင်းဆုံးကစားသမားဆုကို ဘာစီလိုနာအသင်းက ယာမဲလ်က ရရှိခဲ့ပြီး အကောင်းဆုံးသွင်းဂိုးဆုကို အိုဆာဆူနာအသင်းက ဘလန်ကိုရဲ့သွင်းဂိုးက ရရှိခဲ့ကာ နည်းပြဆုကို ဂျီရိုနာအသင်းနည်းပြ မီချဲလ်က ရရှိခဲ့တာဖြစ်ပါတယ်။