မြန်မာ့လက်ရွေးစင်အသင်းခေါင်းဆောင် မောင်မောင်လွင်ဟာ ၂၀၂၃-၂၄ ရာသီ ထိုင်းလိဂ် ၁ နောက်ဆုံးပွဲစဉ်ဖြစ်တဲ့ လမ်ပန်ဝါရီယာအသင်းက ဆူခိုထိုင်းအသင်းကို ၃ ဂိုး- ဂိုးမရှိနဲ့ အနိုင်ရတဲ့ပွဲမှာ အသင်းအတွက် အနိုင်ဂိုး ၁ ဂိုးသွင်းယူပေးခဲ့ပါတယ်။
![](https://www.ballpwel.com/wp-content/uploads/2024/05/444948556_18007030073604806_2741129595206159731_n-1024x682.jpg)
မောင်မောင်လွင်ဟာ ဒီပွဲမှာ လမ်ပန်ဝါရီယာအသင်းအတွက် ပွဲထွက်ခွင့်ရခဲ့ပြီး ခြေစွမ်းပြသကာ အသင်းရရှိခဲ့တဲ့ ဒုတိယဂိုးကို သွင်းယူပေးခဲ့တာပါ။မောင်မောင်လွင်ဟာ ဒီရာသီမှာ လမ်ပန်ဝါရီယာအသင်းအတွက် ၃၄ ပွဲပါဝင်ကစားခဲ့ပြီး ၃ ဂိုးသွင်းယူကာ ၁ ဂိုးဖန်တီးနိုင်ခဲ့ပါတယ်။မောင်မောင်လွင်က ပွဲအပြီးမှာ ဒီရာသီအတွက် အားလုံးကို ကျေးဇူးတင်ပြီး လာမယ့်ရာသီမှ ပြန်တွေ့မယ်လို့ သူ့ရဲ့ဖေ့စ်ဘုတ်စာမျက်နှာမှာ ရေးသားခဲ့တာပါ။
လမ်ပန်ဝါရီယာအသင်းဟာ ဒီရာသီထိုင်းလိဂ် ၁ ပြိုင်ပွဲမှာ အဆင့် ၉ နဲ့ ရာသီအဆုံးသတ်ခဲ့တာဖြစ်ပါတယ်။ဒီရာသီ ထိုင်းလိဂ် ၁ ပြိုင်ပွဲမှာ ဘူရီယမ်အသင်းက ချန်ပီယံဆုကို ရယူနိုင်ခဲ့ပြီး ချောင်ဘူရီ၊ပူးလစ်တဲရိုနဲ့ ထရက်အသင်းတို့ဟာ လိဂ် ၂ ကိုတန်းဆင်းခဲ့ရပြီဖြစ်ပါတယ်။
![](https://www.ballpwel.com/wp-content/uploads/2024/05/444167391_742271627979690_654281632490437196_n-1024x683.jpg)
ထိုင်းလိဂ် ၁ ရာသီပြီးဆုံးပြီဖြစ်တာကြောင့် မောင်မောင်လွင်ဟာ မြန်မာနိုင်ငံပြန်လာပြီး ၂၀၂၆ ကမ္ဘာ့ဖလားခြေစစ်ပွဲဒုတိယအဆင့်ပွဲတွေ ယှဉ်ပြိုင်မယ့် နိုင်ငံအသင်းနဲ့ ပူးပေါင်းကာ လေ့ကျင့်မှုတွေပြုလုပ်ရမှာဖြစ်ပါတယ်။