ယူရိုပါလိဂ်ပြိုင်ပွဲမှာ ချန်ပီယံဆုကို ရယူနိုင်ခဲ့တဲ့ အတ္တလန်တာအသင်းဟာ စီးရီးအေပွဲစဉ်မှာ တိုရီနိုအသင်းကို ၃ ဂိုး- ဂိုးမရှိနဲ့ အနိုင်ရခဲ့တာကြောင့် ရိုးမားအသင်းရဲ့ချန်ပီယံလိဂ်ဝင်ခွင့်မျှော်လင့်ချက်တွေကို အဆုံးသတ်သွားစေခဲ့တာဖြစ်ပါတယ်။
![](https://www.ballpwel.com/wp-content/uploads/2024/05/20240526_1553-1024x683.webp)
အတ္တလန်တာအသင်းဟာ ဒီနိုင်ပွဲကြောင့် စီးရီးအေပွဲစဉ်ကစားဖို့ ၁ ပွဲကျန်ရှိနေသေးချိန်မှာ အဆင့် ၄ နေရာအထိ တက်လှမ်းနိုင်ခဲ့တာပါ။လာမယ့်ရာသီ ချန်ပီယံလိဂ်ဝင်ခွင့်ကို စီးရီးအေက အသင်း ၆ သင်းအထိ ရယူနိုင်ဖို့ဆိုရင် ယူရိုပါလိဂ်ပြိုင်ပွဲမှာ ချန်ပီယံဖြစ်ခဲ့တဲ့ အတ္တလန်တာအသင်းဟာ အဆင့် ၅ နေရာနဲ့ ရာသီအဆုံးသတ်ရမှာဖြစ်ပါတယ်။
အခုတော့ အတ္တလန်တာအသင်းဟာ ၁ ပွဲကစားဖို့ ကျန်ရှိနေသေးချိန်မှာ အဆင့် ၄ နေရာရပ်တည်နေသလို လက်ကျန်ပွဲစဉ်မှာပါ နိုင်ပွဲရယူနိုင်ခဲ့ရင် အဆင့် ၃ နေရာအထိပါ တက်နိုင်မှာပါ။ရိုးမားအသင်းဟာ နောက်ဆုံးပွဲစဉ်မှာ အမ်ပိုလီအသင်းကို အရေးနိမ့်ခဲ့တာကြောင့် အဆင့် ၆ နေရာနဲ့ လာမယ့်ရာသီ ယူရိုပါလိဂ်ဝင်ခွင့်ကို ရယူနိုင်ခဲ့ပါတယ်။
![](https://www.ballpwel.com/wp-content/uploads/2024/05/empoli-stadio-carlo-castellani-computer-gross-arena-partita-campionato-lega-serie-a-2023-2024-empoli-vs-roma-1024x683.webp)
အမ်ပိုလီအသင်းက တန်းဆင်းဇုန်က လွတ်မြောက်ခဲ့ပြီး လာမယ့်ရာသီ စီးရီးအေပြိုင်ပွဲမှာ ဆက်ပြီးရှိနေတော့မှာပါ။ပြီးခဲ့တဲ့ရာသီက ချန်ပီယံဖြစ်ခဲ့တဲ့ နာပိုလီအသင်းဟာ နောက်ဆုံးပွဲမှာ လက်ချီအသင်းနဲ့ သရေကျခဲ့လို့ အဆင့် ၁၀ နေရာနဲ့ လာမယ့်ရာသီ ဥရောပပြိုင်ပွဲယှဉ်ပြိုင်ခွင့်အဆုံးသတ်ခဲ့ရပါတယ်။ ဖီအိုရင်တီးနားအသင်းသာ ကွန်းဖရန့်လိဂ်ပြိုင်ပွဲမှာ အနိုင်ရခဲ့ရင် အဆင့် ၉ နေရာမှာ ရပ်တည်နေတဲ့ တိုရီနိုအသင်းဟာ ကွန်းဖရန့်လိဂ်ပြိုင်ပွဲကို ယှဉ်ပြိုင်ခွင့်ရရှိမယ်လို့ သိရပါတယ်။