ဘတ်ပီဟာ သူ့ရဲ့ပီအက်စ်ဂျီအသင်းကစားသမားဘ၀ နောက်ဆုံးပွဲစဉ်အဖြစ် လိုင်ယွန်အသင်းကို အနိုင်ရခဲ့တဲ့ ပြင်သစ်ဖလားဗိုလ်လုပွဲမှာ ပါဝင်ကစားသွားခဲ့ပါတယ်။
![](https://www.ballpwel.com/wp-content/uploads/2024/05/3975348-80682668-2560-1440-1024x576.jpg)
ဒီပွဲမှာ ပီအက်စ်ဂျီအသင်းဟာ လိုင်ယွန်အသင်းကို ၂ ဂိုး-၁ ဂိုးနဲ့ အနိုင်ရပြီး ချန်ပီယံဆုကို ရယူနိုင်ခဲ့တာပါ။ဒီပွဲမှာ ပီအက်စ်ဂျီအသင်းအတွက်ဂိုးတွေကို ဒမ်ဘီလီနဲ့ ဖာဘီယန်ရုဇ်တို့က သွင်းယူခဲ့တာဖြစ်ပါတယ်။ပီအက်စ်ဂျီအသင်းဟာ ပြင်သစ်ဖလားကို ရယူနိုင်ခဲ့တာကြောင့် ဒီဆုရာသီ ပြည်တွင်းဖလား ၃ ခုရယူနိုင်ခဲ့တာပါ။
၂၀၁၇ က မိုနာကိုအသင်းကနေ ရောက်ရှိလာခဲ့တဲ့ ဘတ်ပီဟာ ပီအက်စ်ဂျီအသင်းအတွက် ၃၀၈ ပွဲကစားပြီး ၂၅၆ ဂိုးသွင်းယူကာ အသင်းရဲ့ဂိုးသွင်းအများဆုံးကစားသမားအဖြစ် ရပ်တည်နိုင်ခဲ့ပါတယ်။ဘတ်ပီဟာ ပီအက်စ်ဂျီအသင်းနဲ့အတူ လီဂူးဝမ်းဖလား ၆ ကြိမ်အပါအဝင် ဆုဖလားပေါင်း ၁၅ ခုအထိ ရယူနိုင်ခဲ့တာပါ။
![](https://www.ballpwel.com/wp-content/uploads/2024/05/dims.apnews-1024x683.webp)
ဘတ်ပီဟာ ရီးရယ်လ်အသင်းကို ပြောင်းရွှေ့မယ်လို့ သတင်းတွေထွက်ပေါ်နေပြီး ယူရို ၂၀၂၄ ပြိုင်ပွဲမတိုင်ခင်မှာ သူ့အနာဂတ်ကို ကြေညာသွားမယ်လို့ ပြောထားတာဖြစ်ပါတယ်။