အာဆင်နယ်အသင်းဟာ ဒီမနက်ကစားခဲ့တဲ့ ပရီးမီးယားလိဂ်ပွဲစဉ်မှာ ဝုလ်ဗ်စ်အသင်းကို ၂ ဂိုး- ဂိုးမရှိနဲ့ အနိုင်ယူပြီး ပရီးမီးယားလိဂ်အဝေးကွင်း ၆ ပွဲဆက်တိုက်ပေးဂိုးမပေးရအောင် စွမ်းဆောင်နိုင်ခဲ့တာဖြစ်ပါတယ်။
အာဆင်နယ်အသင်းဟာ ကြားရက်က ဘိုင်ယန်မြူးနစ်အသင်းကို အရေးနိမ့်ပြီး ချန်ပီယံလိဂ်က ထွက်ခွာခဲ့ရသလို ၂ ပွဲဆက်ရှုံးပွဲကြုံတွေ့ခဲ့ရတာကို ဒီပွဲမှာ နိုင်ပွဲရယူပြီး အဆုံးသတ်နိုင်ခဲ့တာပါ။အာဆင်နယ်အသင်းဟာ ဒီနိုင်ပွဲကြောင့် ပရီးမီးယားလိဂ်အဆင့် ၁ နေရာကို ပြန်တက်နိုင်ခဲ့သလို ပရီးမီးယားလိဂ်သမိုင်းမှာ ပထမဆုံးအကြိမ် အဝေးကွင်း ၆ ပွဲဆက်ပေးဂိုးမပေးခဲ့ရတာဖြစ်ပါတယ်။
အာဆင်နယ်အသင်းထက်ပိုပြီး ပရီးမီးယားလိဂ်မှာ အဝေးကွင်းပွဲစဉ်ဆက်တိုက် ဂိုးမပေးရတဲ့ပွဲအများဆုံးအသင်းအဖြစ် ချယ်လ်ဆီးနဲ့ အာဆင်နယ်အသင်းတို့က ၇ ပွဲဆက်စံချိန်ရယူထားတာပါ။အဲ့ဒါကြောင့် အာဆင်နယ်အသင်းအနေနဲ့ လာမယ့် ပရီးမီးယားလိဂ်အဝေးကွင်းပွဲမှာ ဂိုးမပေးရရင် ဒီစံချိန်နဲ့တူညီသွားတော့မှာဖြစ်ပါတယ်။
အာဆင်နယ်အသင်းနည်းပြ အာတီတာက ဒီလိုမျိုးအဝေးကွင်းပွဲဆက် ဂိုးမပေးရအောင်လုပ်ဖို့က မလွယ်တဲ့အတွက် လုပ်နိုင်ခဲ့တဲ့ ကစားသမားတွေကို ချီးကျူးဂုဏ်ယူကြောင်း ပွဲအပြီးမှာ ပြောသွားခဲ့ပါတယ်။